Esperanta Civito

HeKo - retagentejo de la Esperanta Civito

HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ lia delegito. La informoj estas: oficialaj de la Civitaj instancoj, se indikitaj per la litero C; bultenaj de paktintaj establoj, se indikitaj per la litero B; alies neoficialaj, pri kio ajn utila por la evoluo de Esperantio, se indikitaj per la litero A. Kaj pri Eŭropaj institucioj, se indikitaj per la litero E.
Eblas SENDI KOMENTARION aŭ ARTIKOLON tra la redakcia adreso.
Publikigo estas rajto por kiu havas la esperantan civitanecon, laŭdiskrecia por la ceteraj.
Eblas donaci monon por subteni nin pere de PayPal-konto: bonvolu demandi tra la redakcio
.
Nia poŝta adreso: Esperanta Civito > HeKo, strato Edinburgo 26, BE-1050 Bruselo (Belgio)


HeKo 625 7-A, 6 dec 16: Does her "Bridge of Words" lead to Truth?

Se vi serĉas ĵurnalisme vervan tekston en la angla pri Esperantio, sen aparta pretendo por scienco nek profunda objektiveco pri sciendo, estas rekomendinda la libro de Esther Schor "Bridge of Words", kies subtitolo klarigas la enhavan celon: "Esperanto and the Dream of Universal Language" (2016).

Sed se vi esperas trovi pli modernan ekvivalenton de almenaŭ popularscienca verko, kia estas la franclingva "L'espéranto" de Pierre Janton, aŭ pli solidan ekvivalenton de la pollingva sociologia studo pri Zamenhof fare de Walter Zelazny (2012), vi ricevos seniluziiĝon.

...

Legu pli


625 6-B, 5 dec 16: Informo por la ricevantoj de "Heroldo de Esperanto"

Kiel de longe LF-koop anoncis, la Sociala Grupo Lexus posedos, eldonos kaj administros la gazeton "Heroldo de Esperanto" ekde Novjartago 2017.

La kunlaborantoj pri la enhavo bonvolu sendi siajn artikolojn kaj fotojn al la nova eldonejo. Ekde 15 decembro 2016 la nuna redakcio ne plu respondos al mesaĝoj, sed aŭtomate plusendos ilin al la nova.

La nunaj perantoj bonvolu kontakti www.heroldodeesperanto.com kiel eble plej baldaŭ, se ili estas interesataj daŭrigi la peradon. En tiu sama retejo la abonantoj trovas informon pri la maniero reaboni.

...

Legu pli


HeKo 625 5-E, 4 dec 16: La taktika firsto de la izolismo

Komuna firsto karakterizas la balotojn de la lastaj kaj venontaj monatoj, en Eŭropo same kiel Norda Ameriko. Du partioj esence konfrontiĝas pri la sama afero: ĉu kun aŭ sen la cetero de la mondo?

La izolismaj tentoj venkas en la angle-saksaj socioj: de la brita secesio (kontraŭ kiu pledis prezidento Obama) ĝis la sukceso de Donald Trump. En Eŭropo la demando estas: ĉu en aŭ ekster Eŭropa Unio? En la plejparto de la kazoj la antieŭropismo estas pure instrumenta: necesas kulpigi iun pri la fiaskoj de sia registaro kaj la ekonomia stagno aŭ eĉ regreso en sia lando. Sed tio simpligas la elekton, kiel ĵus okazis en Aŭstrio.

...

Legu pli


HeKo 625 4-A, 3 dec 16: Pri financoj Buller estas tute izolita

Malgraŭ bone argumentita opozicio s-ro Osmo Buller trovis preskaŭ neniun konsenton en la Komitato de Universala Esperanto-Asocio: nur li kaj s-ino Loes Demmendaal (eksestrarano pri financoj) voĉdonis kontraŭ la buĝeto proponita de la estraro.

La amasan subtenon al la proponita buĝeto (39 jesoj el 44) apenaŭ mildigas tri kromaj sindetenoj. Praktike la asembleo de la nomumitoj de la landaj asocioj, integrita de individuaj elektitoj kaj kooptitoj, deziras ke UEA havu grandan deficiton en 2017 (probable 10% de la spezkalkulo).

...

Legu pli


HeKo 625 3-A, 2 dec 16: Togolando por TEJO kiel Vjetnamio por Usono?

La konflikto inter Roterdamo kaj Afriko havas jam du samtempajn batalkampojn: unu estas la Afrika Kongreso de Esperanto, alia estas la Internacia Junulara Kongreso.

La pozicio de UEA estas simpla. Unuflanke ĝi ne agnoskas al aliaj subjektoj la rajton organizi kontinentan kongreson, kvankam ĝis nun neniu jure posedas la markon AKE, kaj kvankam ekzemple en Eŭropo la kontinenta kongreso dependas ne de UEA, sed de Eŭropa Esperanto-Unio, kun kiu efektive ne mankis konfliktoj.

Aliflanke Roterdamo insistas, ke la afrikan esperantistaron reprezentas kaj administras nur la UEA-komisiono pri Afriko kaj la Afrika Oficejo en Benino. Do nur kreitaĵoj de UEA: ĉu ili reale ekzistas kaj funkcias, tio estas alia demando.

...

Legu pli


HeKo-arkivo

Esperanta Civito