PEN-asembleo en Svislando
Esperanta PEN-Centro havos sian ordinaran asembleon en Ĉaŭdefono, 16 aŭgusto 2010, kun eventuala daŭrigo en posta tago, dum la semajno de la Kolokvo pri lingvopolitikoj organizata de KCE.
La unusola societo de esperanto-verkistoj agnoskita ekster Esperantio pritraktos sian rolon en la tegmenta organizo, perspektive al la mondkongreso en Japanio fine de septembro 2010, kie nian literaturon reprezentos sen. Marie-France Conde Rey.
La asembleo konsultiĝos ankaŭ pri la ĉeesto de nia literaturo en aliaj manifestacioj, kiel Waltic aŭ lokaj festivaloj, kaj pri la kandidatigo de Marjorie Boulton al la Nobel-premio.
La Esperanta PEN estas nuntempe gvidata de sen. Perla Martinelli, prezidanto, kun c-ano György Nanovfszky vicprezidanto kaj sen. Ljubomir Trifonĉovski, sekretario-kasisto. Ekde la fondo en 1991, en sia statuto ĝi eksplicite mencias la Manifeston de Raŭmo, sekve ĝi inspiras sian aktivecon al la sociologia formulo de lingva minoritato postulanta kulturan aŭtonomion.
[HeKo 444 9-B, 16 jul 10]