Pli ol 50% partoprenis en la elektoj
En naŭ urboj estas okazanta la skrutinio por la Senato de la Esperanta Civito: Angulemo, Buĵumburo, Ĉaŭdefono, Karakaso, Lomeo, Milano, Razgrado, Roterdamo, Varsovio.
Laŭ la indikoj alfluantaj el la unuaj tri balotejoj finintaj la skrutinion, pli ol 54% de la voĉrajtaj enskribitoj partoprenis en la elektoj: por Esperantio (sed ne nur) temas pri alta procento.
La unuaj rezultoj estas tre pozitivaj por la Verda Listo, kiu ŝajnas gajni du trionojn de la voĉoj. La Blanka siavice superas 20%, kaj konfirmas sin kiel la gravan opozician grupon. La Ruĝa Listo momente atingis nur 5%. Ĉiuj listoj certe elektos proprajn senatanojn. Detaloj sekvos.
[HeKo 218 3-C, 15 dec 06)
