Bertil Nilsson gastos en la marta literatura kafejo
Bertil Nilsson, hindologo, nuna prezidanto de la Esperanta PEN, gastos en la literatura kafejo en Budapeŝto, organizata de Fajszi Amika Rondo ĉe Landa Fremdlingva Biblioteko, 17 marto 2016 je 17h30.
C-ano Nilsson, konata pro siaj elstaraj tradukoj el la ĝermanaj literaturoj, interalie "Aniaro" kune kun William Auld, nuntempe dediĉas sin al la traduko de "Mahabharata".
Dum la literatura kafejo li prezentos ĵus eldonitan libreton en esperanto pri Kriŝno. Lia temo ja estos: La fono viv- kaj mondkoncepta de "La perfektiĝo de jogo", verko unuafoje en esperanto.
[HeKo 595 4-B, 4 mar 16]
