Novtipa Zamenhofa festo en Ĉaŭdefono
Dekduo da personoj festis la Tagon de la Esperanta Kulturo ĉe Kultura Centro Esperantista en maniero nekutima. Ili estis kaj surloke kaj en Italio, Francio, Meksiko, Usono. Tio eblis danke al la magio de skajpo.
"Ni multe parolis pri Zamenhof, pri liaj verkoj kaj estis menciita ankaŭ homaranismo, kun la demando, ĉu la esperantistaro sukcesis realigi ĝin" raportas sen. Anna Bartek el la Esperanto-Domo de KCE.
Anjo Amika prezentis kvar kantojn: du el "Dimanĉa koncerto" -- "Veni, veni Imanuel" kaj "Venu kredantoj", unu kanton de Georgo Handzlik: "Mi volas danki vin" kaj fine la plej novan kanton: "Pacon kaj Esperon".
Post la festeno ankaŭ en KCE okazis la skrutinio, sed ne estis tiom multe da balotintoj kiom en 2011.
[HeKo 627 1-B, 16 dec 16]
