La Kapitulo kunvokita al Ĉaŭdefono
La Kapitulo de la Esperanta Civito kunvenos fizike en Ĉaŭdefono la 12an de julio 2017, kun skajpa partopreno de la ne alestaj membroj.
La tagordo inkluzivas raportojn pri la aktiveco de la Kapitulanoj, la nomumon de la vickonsulo pri klerigado, la aplikon de Lex Bertilia, la starton de la projekto Pioniraj Urboj, la okan Afrikan Kongreson de Esperanto, la studan tagon de fondumo Pro Esperanto en Bruselo.
Temas pri la tria fizika kunveno de la Kapitulo ĉi-jare, post la februara en Andaluzio kaj la aprila en Ĉaŭdefono (ankoraŭ sub la prezido de sen. Marie-France Conde Rey).
(HeKo 649 3-C, 22 jun 17)
