La nova Kortumo 2018-19 elektita en Afriko
La Forumo elektis hieraŭ en Buĵumburo la novan Kortumon de la Esperanta Civito, oficontan ekde aprilo 2018 dum du jaroj. Partoprenis, koresponde aŭ aleste, la delegitoj de Esperanta Naturamikaro, Esperantista Domo de Kulturo en Razgrado, Fajszi Amika Rondo, Feminisma Esperanta Movado, Islama Esperanta Klubo, Itala Interlingvistika Centro, KCE, LF-koop, Societo Solidareco Bona Volo, SIPU, Studenta Esperanta Ligo.
La Forumo elektis tri kortumanojn: Giuseppe Campolo, Andrés Martín, Tiziana Rogora; kaj du vickortumanojn: Hilary Chapman kaj Moresson Feïdangaï.
La arbitracia instanco de la Esperanta Civito havos baldaŭ novan aktiston. Kiuj havas la esperantan civitanecon, ne okupas oficon en la instancoj de la tri povoj kaj estas diplomito aŭ diplomoto pri juro, tiuj bonvolu sendi sian kandidatiĝon al <kortumo ĉe esperantio.net>.
(HeKo 668 8-C, 28 dec 17)
