Literatura PEN-seminario en Dakaro
Tuj antaŭ la literaturista mondkongreso de PEN Internacia, dimanĉon la 1an de julio 2007 en Dakaro, Senegalio, okazos seminario pri la esperanto-literaturo, gvidata de c-ano prof. Giorgio Silfer. La partopreno en la seminario estas senpaga, sed necesas anonci sin ĉe s-ro Yacinthe Nicolas Badji, kiu estas la loka referenculo.
Maksimuma nombro da seminarianoj: 15. Bezonata lingvonivelo: B1, prefere B2. La libroj kaj materialoj estos senpage je dispono, danke al Kultura Centro Esperantista kadre de la Pakto por la Esperanta Civito.
[HeKo 332 4-B, 19 jun 07]