Budapesta seminario pri lingvotestado
Interesa seminario pri lingvotestado ĉe ITK (Fremdlingva Perfektiga Instituto) en Budapeŝto. Al la ne multnombra, sed ege interesata publiko la Konsulo klarigis multajn detalojn de la LingvoTesta Sistemo de la Esperanta Civito. Kun la gvidantoj de ITK estis konfirmita la bazo por la ekvivalentoj de la LTSEC-diplomoj.
La prezidanto de Kultura Centro Esperantista, kun kiu ITK havas interkonsenton pri reciproka agnosko, estas invitita al oficiala renkonto kun la gvidantaro de ITK. Reciproke, KCE invitos ilin al vizito en Svislando.
ITK kaj KCE partoprenos venontmonate en la jarkunveno de la asocio deputita de la Konsilio de Eŭropo pri lingvotestado al plenkreskuloj.
[HeKo 340 8-C, 18 okt 07]
