La Esperanto-Domo en meza Svedio ne havas plu monrimedojn necesajn por pagi la fakturojn: ĝia unusola prizorganto, c-ano Lennart Svensson, atendas ke la kreditantoj postulos bankroton; pri tio li tenas informita la prezidantinon, s-inon Anna Ritmaki (kiu loĝas en Alando, insularo inter Svedio kaj Finnlando).
HeKo 831 6-C, 10 feb 24
La Esperanta Civito ekspansias en pli kaj pli da progresemaj medioj: post Feminisma Esperanta Movado (2004, fondita en Svislando) kaj Esperanta Naturamikaro (2010, fondita en Hispanio), jen Civila Esperanta Servo / Service civil esperantien, fondita hodiaŭ en Burundio. La fondan Asembleon partoprenis tri kongolandanoj, du burundianoj, unu eŭropano.
Hodiaŭ komenciĝas ĉe la Tanganika Esperanto-Domo en Bujumbura sestaga staĝo pri la formado de redaktantoj (entute kvardek studhoroj), sub la gvido de c-ano Giorgio Silfer, probable la afrikanisto kiu dediĉas pli da tempo kaj energio por la surloka trejnado de esperantistoj, kulture kaj organize.
La Universala tre ĵaluzas pri siaj iniciatoj (eĉ kiam ili ne apartenas jure al ĝi: vidu la markon “Afrika Kongreso de Esperanto”), sed en la realo ŝajnas generalo kiu dividas siajn trupojn. Ekzemplo estas la kongresa jaro 2024a, kiu devus reliefigi la rolon de Afriko.
HeKo 831 3-C, 5 feb 24
La Vickonsulo rememorigas ke nur la skribaj komunikoj per ordinara aŭ per elektronika poŝto estas traktendaj de la Civitaj instancoj kaj la paktintaj establoj. Mesaĝoj per telefono, skajpo, Facebook kaj aliaj telematikaj rimedoj riskas ignoron.
Ni ĉiuj afrikanoj entuziasmas pri Afrika Kongreso de Esperanto (AKE). AKE valoras ĉar ĝi okazas kun preskaŭ regula kadenco kaj en diversaj landoj. Ni admiras ĝin, ankaŭ ĉar ĝi ne estas multekosta pro la vojaĝo kaj la kotizo. Ankaŭ neriĉuloj iras al AKE.
Dum la Universala praktike fermis sian Centran Oficejon, la Junulara praktike malfermas la propran, eĉ kun ĝenerala direktoro. La unua agis laŭ la principo redukti la elspezojn, la dua laŭ la mala: ju pli vi elspezas, des pli vi povas peti kaj ricevi.
La ĝenerala Asembleo de Afrika Esperanto-Instituto estas kunvokita al Bujumburo, ĉe hotelo Amitie”, por lundo 12 februaro 2024 tagmeze. Partoprenos reprezentantoj de ambaŭ kolektivaj membroj (KCE kaj SIPU).
En la suda periferio de Rumonge (Burundio), jam survoje al Nyanza-Lac, plu aktivas la infanĝardeno ?La Espero?, kun pluraj klasejoj, el kiuj nur tri estas utiligataj, kaj nur unu el ili vere bonstatas.
En la suda periferio de Rumonge (Burundio), jam survoje al Nyanza-Lac, plu aktivas la infanĝardeno “La Espero”, kun pluraj klasejoj, el kiuj nur tri estas utiligataj, kaj nur unu el ili vere bonstatas.
La fonda asembleo de Civila Esperanta Servo / Service civil esperantien estas kunvokita al Bujumburo, ĉe Tanganika Esperanto-Domo, por sabato 10 februaro 2024 matene. Partoprenos la Vickonsulo de la Esperanta Civito, kiu alportos saluton de la Konsulo.
La kunaŭtoroj de “Historio de la esperanta literaturo”, c-anoj Carlo Minnaja kaj Giorgio Silfer, havis hodiaŭ agrablan renkonton en Padovo, kie ili parolis pri diversaj temoj lige kun la esperanta kulturo, interalie ĝisdatigoj en HEL, bedaŭrinde kaŭzitaj de forpasoj aŭ kadukiĝoj multe pli ofte ol pozitivaj novaĵoj dum la jaroj post 2015.
