Heroldo Komunikas | Heroldo Komunikas

Pli da germana lingvo post la elektoj de Germanio?

HeKo 659 6-E, 28 sep 17

Post la ĵusaj parlamentaj elektoj, kun tre negativa rezulto kaj por la kristandemokrata kaj por la socialdemokrata partioj, la eliranta kancelierino Angela Merkel klopodas formi novan federacian registaron.

Gravaj tekstoj en la oktobra informilo de KCE

HeKo 659 5-B, 27 sep 17

Akurate survojas al la legontoj la oktobra numero (8:2017) de la monata infomilo “La eta heroldo de KCE”. La gazeto enhavas du gravajn dokumentojn: la alparoloj de la emerita kaj de la eniranta Konsuloj okaze de la inaŭgura parlamenta sesio de la Esperanta Civito en Loklo (Svislando).

Esperanto en la Domo de la Eŭropa Historio

HeKo 659 4-E, 25 sep 17

La Domo de la Eŭropa Historio estis inaŭgurita ĉi-jare, post longa preparado. La muzeo okupas grandan, pluretaĝan palacon en parko proksima al la EU-parlamentejo en Bruselo. Ĝi proponas dumtempan kaj konstantan ekspozicion. Malfermita al publiko de ĉiu aĝo, per interagaj ludoj ĝi altiras infanojn kaj adoltojn.

Sukcesa Studa Tago pri investado en Afriko

HeKo 659 3-C, 23 sep 17

Fondumo Pro Esperanto realigis hodiaŭ sukcesan Studan Tagon pri la investado en evolulandoj ĝenerale kaj en la subsahara Afriko specife. Prezidis sen. Marie-France Conde Rey, vickonsulo pri ﬁnancoj kaj prezidanto de la fonduma konsilio. Intervenis prelege d-ro Rolando Meerbergen, d-ro Leonardo Baroncelli kaj prof. Giorgio Silfer.

KCE en la 50a konferenco de ALTE

HeKo 659 2-B, 22 sep 17

Kultura Centro Esperantista reprezentas nian lingvon en la 50a konferenco de Asocio de LingvoTestistoj en Eŭropo, okazanta en Luveno (Belgio) 21-23 septembro 2017. La konferenco enfokusiĝas, ne nur hazarde pro la ronda nombro, je la situacio de la lingvotestado: unuﬂanke pro la stato de KEFR, aliﬂanke pro la kreskanta premo de la ekzamenado de rifuĝintoj.

Brian Moon akuzas Roterdamon pri mensogo kaj trompo

HeKo 659 1-A, 21 sep 17

La konstato pri amaso da eraroj en la jarlibro 2017 de Universala Esperanto-Asocio, precipe en la adresaro de la institucia parto, kondukis al la malkovro pri trompo, kiu datiĝas jam de antaŭaj jaroj. Almenaŭ tiel sin esprimas mag. Brian Moon:

Forumanoj interpelacias la Konsulinon

HeKo 658 9-C, 20 sep 17

La delegitoj de Fajszi Amika Rondo kaj de LF-koop liveris hieraŭ interpelacion al la Konsulo, sen. Chamberline Nguefack Zedong, kun pluraj demandoj pri ŝiaj agoj dum la lastaj semajnoj. Ne temas pri la tensio kiu kreiĝis inter ŝi kaj la Blanka grupo, sed pri ŝiaj rilatoj kun la brazila entrepreno Lexus.

La Kapitulo diskutis pri la kataluna demando

HeKo 658 8-C, 19 sep 17

La Kapitulo de la Esperanta Civito kunvenis hodiaŭ en Malago, sub la prezido de la Unua Vickonsulo. La tagordo enhavis du ĉefajn punktojn: organize, la panoramo de la plenumendaj taskoj; politike, la diskuto pri secesiemaj teritorioj en Eŭropo, specife la kataluna demando. Intervenis gec-anoj Marie-France Conde Rey, Julio Herrero, Perla Martinelli kaj Giorgio Silfer.

Lingotesta sesio en Buĵumburo, decembro 2017

HeKo 658 7-B, 18 sep 17

Kultura Centro Esperantista organizas la duan grandan lingvotestan sesion en Buĵumburo (Burundio), kunlabore kun Societo Internacia por Paco Universala, okaze de la Oka Afrika Kongreso de Esperanto (22-27 decembro 2017).

Tio estos escepta ŝanco por atingi superan diplomon de esperanto, interalie C2, kiun nur la Esperanta Civito rajtas doni. Sed eblos ankaŭ aliĝi por aliaj niveloj.

TEJO bezonas plian apartamenton en Roterdamo

HeKo 658 6-A, 17 sep 17

UEA aĉetis apartamenton por luigi ĝin al TEJO (je merkata tarifo), sed TEJO nun serĉas loĝejon en/apud Roterdamo por tri homoj kiuj volontulas en la Centra Oﬁcejo.

TEJO anoncas ke “la volontuloj estas valoraj junuloj kiuj laboras por la bonfarto de la organizo. Helpi ilin signifas kontribui al la progresigo de esperanto”.

Jam tri aĉetontoj por HdE 2018

HeKo 658 5-B, 16 sep 17

La Administra Komitato de LF-koop kunvenos en Budapeŝto, 15 oktobro 2017, sub la prezido de d-ino Perla Martinelli. En la tagordo situas la tri proponoj de aĉeto de la gazeto “Heroldo de Esperanto”, kies proprieto revenos al la kooperativo je Novjartago 2018.

Lexus dekalendarigas la abonojn al HdE

HeKo 658 4-B, 16 sep 17

Mia abonsistemo ne estas bazita sur la civila jaro (esprimo uzata en Brazilo por nomi la jaron de januaro al decembro), sed surbaze de la ﬂuo de la tempo ekde la abono. Tio estas, pro la nuna malfruo Lexus ne devos eldoni kaj sendi numerojn de la antaŭaj monatoj: la abonantoj ricevos ĉiujn numerojn, ekde la normaligo de mia situacio.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.