Esperanta Civito

HeKo - retagentejo de la Esperanta Civito

HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ lia delegito. La informoj estas: oficialaj de la Civitaj instancoj, se indikitaj per la litero C; bultenaj de paktintaj establoj, se indikitaj per la litero B; alies neoficialaj, pri kio ajn utila por la evoluo de Esperantio, se indikitaj per la litero A. Kaj pri Eŭropaj institucioj, se indikitaj per la litero E.
Eblas SENDI KOMENTARION aŭ ARTIKOLON tra la redakcia adreso.
Publikigo estas rajto por kiu havas la esperantan civitanecon, laŭdiskrecia por la ceteraj.
Eblas donaci monon por subteni nin pere de PayPal-konto: bonvolu demandi tra la redakcio
.
Nia poŝta adreso: Esperanta Civito > HeKo, strato Edinburgo 26, BE-1050 Bruselo (Belgio)


HeKo 765 9-B, 18 jun 21: Kvar esperanto-verkoj riskas cenzuron en Hungario


Kvar verkoj riskas cenzuran malpermeson en Hungario, pro nova leĝo kontraŭ uranisma propagando. Verdire nur du el la kvar aŭtoroj estas uranistoj, kaj la celo de tiuj libroj ne estas propaganda; tamen la komenca frazo sur la dorskovrilo de la unua romano de Sten Johansson sufiĉus por imputi lin: "Marina vivas kun sia edzino Helle kaj la du adoptitaj gefiloj en Malm?, urbo tute en la sudo de Svedio".

C-ano Giorgio Silfer, kiu realigis la antologion "Verda stelo kaj roza triangulo", certe prezentos la verkon dum baldaŭa literatura kafejo en Budap ...

Legu pli


HeKo 765 8-B, 17 jun 21: LF-koop havas la eldonrajtojn de Kalocsay-libroj


La Administra Komitato de LF-koop atentigas ke la eldona rajto pro tri verkoj de Kolomano Kalocsay apartenas al LF-koop mem. Unu el ili estas jam anoncita: temas pri "Parnasa Gvidlibro", pro aĉeto en 1996/97, atestita per kontrakto.

Same laŭ kontrakto kun la koncernatoj en Hungario "Literatura Foiro" kaj ĝia kooperativo akiris en ekskluziveco la eldonrajtojn de la "Infero"-traduko (dua eldono, 1979) kaj de "La dekdu noktoj de Satano" (1990). Parto de tiuj du eldonaĵoj estas la postparolo respektive prefaco de Gaston Waringhien.

Neniu represo aŭ reeldono de tiuj tri titoloj povas okazi sen la konsento de LF-koop. Nuntempe kaj "Infero" kaj "La dekdu noktoj de Satano" estas ankoraŭ mendeblaj ĉe la eldonejo kaj la plej bonaj libroservoj: tute oportune en la jubilea jaro de Dante Alighieri.

[HeKo 765 8-B, 17 jun 21] ...

Legu pli


HeKo 765 7-C, 16 jun 21: La Afrika Legacio aktivas ekde nun en Bujumburo


La Afrika Legacio de la Esperanta Civito formale ekzistas ekde ĉi tiu monato, per dekreto de la Konsulo, liverita hodiaŭ al la Kapitulo. Ĝi situas en Buĵumburo kaj estas la unua ekster Eŭropo (post la orienta en Budapeŝto, la norda en Stokholmo, la okcidenta en Bruselo). La elekto montras interalie la gravecon de Afriko por la Esperanta Civito.

Laŭ la dekreto, la nova legacio (establita ĉe la Tanganika Esperanto-Domo) zorgas pri la rilatoj inter la Civito kaj internaciaj institucioj aŭ instancoj en Afriko, specife: a) Afrika Unio en Adis-Ab ...

Legu pli


HeKo 765 6-C, 15 jun 21: Projekto AmaHoro aktualus nur kun nova statuso


Laŭ peto de la vickonsulo pri financoj, la morgaŭa kunsido de la Kapitulo traktos ankaŭ la projekton AmaHoro en Burundio. La opinio de la kapitulano estas, ke la Esperanta Civito akceptu donacon de tereno aŭ eĉ teritorio nur se eblus apliki al ĝi la statuson de "terra nullius".

Tio signifus ke la akiro de tereno, aŭ forlasita vilaĝo, aŭ neloĝata insulo devus koincidi kun la ricevo de la rajtoj de internacia juro je la koncerna loko, kvazaŭ la Sankta Seĝo rilate al granda parcelo de Romo nomata Vatikano. Nur tiam indus la investo.

...

Legu pli


HeKo 765 5-B, 13 jun 21: Reala Esperantio nur en Greziljono kaj KCE


Katastrofa 2021 por la kongresoj: UEA, TEJO, SAT, ILEI rezignis pri ilia okazigo, favore al virtuala surogato. Sed malbona jaro ankaŭ por E@I kaj Esperantic Studies Foundation: eĉ la famaj Studa Esperanto-Semajno (SES) kaj Nord-Amerika Somera Kursaro (NASK) feliĉigos precipe la verdajn hikikomorojn.

En julio-aŭgusto la reala Esperantio troveblos nur en Kastelo Greziljono kaj en Kultura Centro Esperantista, la du plej gravaj kulturdomoj en Eŭropo. Ambaŭ proponas plurajn interesajn aranĝojn (ses, respektive kvin) en diversaj lingvaj niveloj (de ...

Legu pli


HeKo-arkivo

Esperanta Civito