Nupta formulo
La suba formulo estis uzita unafoje la 15an de decembro 2012, okaze de la geedziĝo de gecivitanoj Dieter Rooke kaj Jun Liu ĉe la Esperanto-Domo en Svislando. La formulon, parte inspiritan de la kvakera kutimo, redaktis la tiama Konsulo, c-ano Giorgio Silfer.
NUPTA PROTOKOLO
Dieter kaj Jun:
Civitano Konsulo, antaŭ la atestantoj ni deklaras ke ni volas esti geedzoj vidalvide al la esperanta popolo.
Konsulo:
Ĉu iu el la ĉeestantoj havas rimarkon kontraŭ ĉi tiu deklaro?
Neniu.
Gecivitanoj, bonvolu individue konfirmi vian promeson.
Dieter:
Mi, Dieter Rooke, naskita en Eickelborn la 2an de julio 1948, promesas al vi, Jun Liu, esti edzo fidela kaj amema, tiel en la bona kiel en la malbona sorto.
Jun:
Mi, Jun Liu, naskita en Tianjin la 30an de junio 1968, promesas al vi, Dieter Rooke, esti edzino fidela kaj amema, tiel en la bona kiel en la malbona sorto.
Konsulo:
Bonvolu interŝanĝi la simbolon de via promeso.
Edzo:
Per ĉi tiu ringo mi volas simbole manifesti ke civitanino Jun Liu estas mia edzino.
[metas la nuptan ringon al la edzino]
Edzino:
Per ĉi tiu ringo mi volas simbole manifesti ke civitano Dieter Rooke estas mia edzo.
[metas la nuptan ringon al la edzo]
Konsulo:
Per kiuj nomoj vi volas esti nomataj?
Edzino:
Mi konsentas ke li estu Dieter Rooke.
Edzo:
Mi konsentas ke ŝi estu Jun Liu.
Konsulo:
Kiu estos la ĉefa lingvo inter vi kaj kun viaj eventualaj infanoj:
Geedzoj:
Esperanto.
Konsulo:
Sekve de via deklaro kaj via promeso, vi nun estas geedzoj konforme al la Civita leĝo pri familia juro. Bondezirojn!
Geedzoj:
Dankon, civitano Konsulo.
Ni atestas ke la supra okazis en la Esperanto-Domo en Svislando, la 15an de decembro 2011:
Danielle Carrier, Dominique de Mestral, Elisabeth de Mestral, Mariola Jobin, Ciril Läng
kaj Giorgio Silfer, Konsulo