HeKo 549 3-C, 4 jan 14
Fondumo Pro Esperanto kiel regio, interkonsente kun Kooperativo de Literatura Foiro (pro kontrakto pri homaj resursoj kun KCE) kaj aliaj koncernataj instancoj en Svislando, Hispanio kaj Hungario, estas selektonta deĵorantojn por la Esperanto-Domoj en Ĉaŭdefono kaj Malago, kaj por la Orienta Legacio en Budapeŝto.
HeKo 549 1-C, 2 dec 14
La du branĉoj de la Civita Parlamento estas kunvokitaj al Budapeŝto, 17 majo 2014. La Senato kunvenos matene, la Forumo posttagmeze, ambaŭ sub la prezido de la Konsulo, sen. Marie-France Conde Rey.
Kooperativo de Literatura Foiro kaj Kultura Centro Esperantista omaĝos al sia multjara, karmemora membro Ljubomir Trifonĉovski per literatura matineo, 22 februaro 2014. Liaj geamikoj ĉe KCE kaj LF-koop ariĝos en la Esperanto-Domo de Ĉaŭdefono (la sola Esperanto-Domo en Svislando) por prezenti kantojn, teatraĵon, prelegojn honore al lia agado por nia kulturo.
HeKo 548 8-C, 30 dec 13
La Kortumo de la Esperanta Civito (Andrés Martín kaj Bertil Nilsson, kortumanoj — György Nanovfszky, vickortumano) liveris al la Konsulo sian verdikton, rezulte de la enketo pri sen. Dieter Rooke, akuzita pro korupto.
Post la subita forpaso de la karmemora c-ano Ljubomir Trifonĉovski, Kooperativo de Literatura Foiro formale elektos la novan ĉefredaktoron de la prestiĝa kultura revuo en esperanto, pere de la Asembleo kunvokita al Ĉaŭdefono, 23 februaro 2014. Sed la Administra Komitato estas jam serĉanta posteul(in)on.
HeKo 548 5-C, 26 dec 13
Hieraŭ matene mortis sen. Ljubomir Trifonĉovski, Vickonsulo de la Esperanta Civito, ĉefredaktoro de “Literatura Foiro”, sekretario de Esperanta PEN-Centro.
HeKo 548 2-C, 17 dec 13
