Kabeas la viktimoj de seksa molestado
Seksa molestado en TEJO-medio manifestiĝis kiel plago precipe lastatempe, pro tri diskonigitaj kazoj kies viktimoj estas virinoj (jen pro eŭropano, jen pro afrikano, jen pro latin-amerikano). Sed pri la samseksa molestado UEA kaj TEJO pli diskretas, kvankam ĝi ŝajnas multe pli grava plago, kiu kaŭzas kabeadon.
La brazila TEJO-komitatano ĵus komunikis publike: "Kun granda malĝojo mi anoncas kaj mian demision de tiu ĉi komitato, kaj mia kabeon, almenaŭ dummomente. En tiu jaroj, mi multe lernis de la movado kaj konis bonegajn personojn, kiujn espereble mi neniam forgesos, nek perdos la kontakton. Tamen, mi ankaŭ spertis malbonajn aferojn, kiel seksĝenado kun kelkaj (du) esperantistoj. Bedaŭrinde, tiuj teruraj spertoj ĉiam iras kaj revenas."
Kabeado ne koncernas nur la viktimojn: tre valora esperantologino, kiu kuraĝis veki denuncojn kontraŭ dungito de la Centra Oficejo, subite malaperis el Esperantio komence de la jarcento. La diskreteco de la Junulara kiam kulpas gejoj bezonas publikan klarigon, por eviti diskriminacion favoran al difinita orientiĝo. Ĉu la malnova Esperantio suferas pro strangaj lobioj?
[HeKo 829 6-A, 8 jan 24]
