HeKo - retagentejo de la Esperanta Civito
HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ lia delegito. La informoj estas: oficialaj de la Civitaj instancoj, se indikitaj per la litero C; bultenaj de paktintaj establoj, se indikitaj per la litero B; alies neoficialaj, pri kio ajn utila por la evoluo de Esperantio, se indikitaj per la litero A. Kaj pri Eŭropaj institucioj, se indikitaj per la litero E.
Eblas SENDI KOMENTARION aŭ ARTIKOLON tra la redakcia adreso.
Publikigo estas rajto por kiu havas la esperantan civitanecon, laŭdiskrecia por la ceteraj.
Eblas donaci monon por subteni nin per https://www.paypal.me/giordanoalessio97.
Nia poŝta adreso: Esperanta Civito > HeKo, strato Edinburgo 26, BE-1050 Bruselo (Belgio)
HeKo 813 7-A, 4 jun 23: Esperanto kiel sepa UN-lingvo (dum unu tago)
Virtuala renkonto kun la prezidanto de la Ĝenerala Asembleo de Unuiĝintaj Nacioj estis atingita de UEA-reprezentantoj por 12 junio 2023, pri la temo "Konstrui komunan kompreniĝon per multlingvismo". La renkonto disvolviĝos en la ses UN-laborlingvoj plus esperanto, per samtempa interpretado. "Laŭ nia scio, tio estos la unua fojo en la historio de UN kiam Esperanto estos tiumaniere utiligata" deklaris prof. d-ro Humphrey Tonkin.
Li resumas tiel la pozicion de la Universala: "UN uzas ses oficialajn lingvojn. Du (la angla kaj la franca) estas 'ling ...
HeKo 813 6-C, 3 maj 23: Agendo por la Civita stabo, junio-julio 2023
Ĉiu Civita stabano estas afable petata konsulti la Google-kalendaron prizorgatan de la vickonsulino pri internaj aferoj. La plej gravaj kunsidoj estas anoncataj ankaŭ en HeKo, laŭ la dispono de la vickonsulo pri informado. La indikitaj horoj estas tiuj de Svislando (CET).
En junio 2023 kunsidos telematike: la Abeletoj (pri KEF) lundon la 5an je 17h00; la fakrondo pri EIE vendredon la 9an je 17h00; la biblioteka/arkiva fakrondo merkredon la 14an je 17h00; la Formiketoj (pri NAKSE) merkredon la 14an je 18h00; la Kapitulo plus grupestrinoj (tridek-kvara kunsido) merkredon la 21an je 17h30.
En julio 2023 (tria semajno) kunsidos hibride la Komitato de KCE kaj (kvara semajno) la Asembleo de la Esperanta PEN, ambaŭ en Ĉaŭdefono. La 29an matene okazos la Parlamenta sesio en Loklo kaj la 29an posttagmeze la konferenco de la Verdanoj en Ĉaŭdefono.
[HeKo 813 6-C, 3 maj 23] ...
HeKo 813 5-C, 2 jun 23: Nia lingvo 136-jara: granda stabileco
La 2an de junio 1887 (18an de majo laŭ la rusa kalendaro) la rusa cenzuro permesis la eldonon de la manuskripto pri "Lingvo Internacia de Doktoro Esperanto". Post tiu dato la manuskripto ne estis modifebla. Tiu dato aperas en la Unua Libro kaj estas la sola certa pri la naskiĝo de nia lingvo. Tial la Konstitucio de la Esperanta Civito fiksas la Duan de Junio kiel Tagon de la Esperanta Lingvo.
Hodiaŭ esperanto iĝas 126-jara. Pri la idiomo mem ne ekzistas granda debato, gramatike kaj leksike. Ni atendas la unuan kajeron (pri fonetiko, fonologio, i ...
HeKo 813 4-C, 1 jun 23: Finita la depona rajto por Biblioteko Hodler
Laŭ direktivo Giordano, kvin bibliotekoj rajtas ricevi po unu ekzemplero de ĉiu nova eldonaĵo de aŭtoro havanta la esperantan civitanecon aŭ/kaj de establo aliĝinta al la Pakto. Tiuj bibliotekoj devas respekti kelkajn precizajn normojn. Unu el tiuj kvin ne plu ekzistas kaj tial forfalas el la listo: temas pri biblioteko "Hector Hodler", aparteninta al Universala Esperanto-Asocio.
La vickonsulo pri informado, bibliotekoj kaj arkivoj decidos ĉu proponi alian anstataŭ ĝi, eventuale la Nacian Bibliotekon en Varsovio, kies kondiĉoj devas kongrui kun la direktivo. Ankaŭ du aliaj bibliotekoj, nome la interlingvistika fako de IULM en Milano kaj CDELI en Ĉaŭdefono, ŝajnas je risko, pro nekompleta respekto de la direktivaj normoj.
Nenia problemo por Internacia Esperanto-Muzeo en Vieno kaj Landa Fremdlingva Biblioteko en Budapeŝto. Ĉiukaze, la direktivo validas en Esperantio kaj por ĝia plena apliko estas elektotaj/konfirmotaj tri institucioj.
[HeKo 813 4-C, 1 jun 23] ...
HeKo 813 3-B, 31 maj 23: Reveno de la Danuba Esperanto-Rendevuo
Konsultiĝo ene de Fajszi Amika Rondo kaj interkonsiliĝo kun la kongresa buroo de la Esperanta Civito ĵus kondukis al la unua formulado de projekto pri Danuba Esperanto-Rendevuo (DER) en Hungario dum majo 2024. DER okazis en la 1980aj kaj 1990aj en Vieno, Budapeŝto, Ŝvistovo kaj Belgrado, laŭ skemo de paralelaj studgrupoj je malsamaj lingvoniveloj kaj komuna distra programo.
La Esperanto-Rendevuoj estis aranĝoj de LF-koop en kelkaj landoj: en okcidento precipe Francio kaj Italio, sed ankaŭ Germanio kaj Katalunio. Ili estis transdonitaj al kol ...
