Esperanta PEN-Centro havas novan prezidanton, elektitan de la Asembleo kunveninta en Milano 3 junio 2011: sen. Bertil Nilsson. Literatura tradukisto, redaktoro kaj publicisto, Bertil Nilsson anstataŭas Perla Martinelli, fine de ŝia trijara mandato.
HeKo 484 4-C, 4 jun 11
La Forumo diskutis pri la esenco kaj estonteco de la Sciencaj Institutoj, dum sia hieraŭa sesio en Milano. Scienca Instituto estas realaĵo kiu arigas fakulojn pri temaro grava por la esperanta popolo: ĝi estas agnoskita de la Esperanta Civito kaj estas gvidata de persono kiu havas la esperantan civitanecon.
HeKo 484 3-C, 4 jun 11
Novaj aliĝintoj al la Pakto por la Esperanta Civito, el Eŭropo kaj el Afriko. Ilin akceptis la Forumo, kiu rolas kiel asembleo de la paktintoj. Nur unu el la du estas tuj voĉrajta. Fakte la Esperanto-Societo en Goma (Kongolando) devas kompletigi sian dosieron per la sendo de la statuto. La alia nova paktinto, jam voĉrajta, estas la redakcio de “Femina”.
HeKo 484 2-C, 4 jun 11
La Forumo elektis hieraŭ en Milano per sekreta baloto la Kortumon de la Pakto por la Esperanta Civito, por la jarduo marto 2012 — marto 2014. El la ses kandidatoj por tri postenoj plej multe da voĉoj ricevis civitanoj Bertil Nilsson, Kep Enderby kaj Andrés Martín: ili estos la tri membroj de la Kortumo.
HeKo 484 1-C, 3 jun 11
La Blanka opozicio atingis hodiaŭ la aprobon de Senata rekomendo por la okazigo de ĉiujara kongreso de raŭmistoj. La rekomendo fontis el interpelacio de sen. Anna Bartek, al kiu la Konsulo kaj la Vickonsulo (kun delego pri internaj aferoj) donis principe pozitivan respondon.
HeKo 483 9-C, 3 jun 11
La lasta leĝo aprobita dum la dua leĝodona mandato (2007-2011) de la Civita Senato koncernas la tempobankon de Esperantio.
Feminisma Esperanta Movado havis sian ordinaran Asembleon hieraŭ en Milano, sub la prezido de sen. Marie-France Conde Rey, kaj kun partoprenantoj el Francio, Hungario, Italio, Nederlando, Svedio, Svislando.
HeKo 483 6-C, 2 jun 11
Civitano Leen Deij estas honorita per la funebra akto aranĝita de la Parlamento de la Esperanta Civito, sub la prezido de c-ano Giorgio Silfer, nuna konsulo.
HeKo 483 8-C, 3 jun 11
“La Esperanta Civito, reprezentata de sia Konsulo, kaj la Kabinda Respubliko, reprezentata de sia Kanceliero, agnoskas reciproke unu la alian subjektoj de internacia juro, kaj ili starigas sian legacion ĉe ĉiu subjekto laŭ la reguloj de diplomatio”.
De sub la fenestro
flugis najtingal”,
tutan nokton kantis
kantis sen kial”.
(refreno:)
Se kanto jen kanto:
kantu por amik”,
kantu por la nia,
por saluti lin (ŝin)…
La fora montaro
kuŝas en la sud”,
altas tre la baro
kaŝas lin (ŝin) de l” vid”.
(refreno)
HeKo 483 5-C, 31 maj 11
Civitano Leendert C. Deij, la poeto kiu interalie verkis la klasikaĵon “Al juda foririnto”, mortis hodiaŭ posttagmeze en nederlanda hospitalo, pro la missekvoj de operacio, kiu sukcese riparis femuran frakturon kaŭzitan de enhejma falo, sed ne evitis fatalon.
HeKo 483 4-C, 31 maj 11
Organizi jaran kongreson de la nova Esperantio estis unu el la kvalifikaj punktoj en la politika programo de la Blanka Listo, en la elektoj de 2006 por la Senato. Memkompreneble, fine de la nuna mandato, la opozicio insistas por ke io estu decidita tiurilate. Rezolucio estas preparata, kaj probable submetota al la ĉi-semajna parlamenta sesio en Milano.
