La 5an de marto 2018, je 10h00, ĉe la naturamika Esperanto-Domo en Malago, ekos dusemajna intensiva kurso pri esperanto, rezervita al komencantoj kiuj scipovas nur la propran denaskan lingvon, kaj neniun fremdan.

“La sonorilo de Bled” estas la sola orginala romano en esperanto kies intrigo disvolviĝas en Slovenio. Ĝin verkis ne sloveno, sed serbo: Stefan Ĵivanoviĉ (1900-1938), profesia kuracisto, cetere tre engaĝita esperantisto. La romano estiĝis en 1925, sed povis aperi nur longe post la morto de la aŭtoro, en 1959.

Kvar lingvoj estas elektitaj por la poezia recitalo “Voĉoj de l” mondo”, en Meksikurbo kadre de la nacia celebrado okaze de la Internacia Tago de la Gepatra Lingvo, ĉe la prestiĝa Colegio Nacional je 19h00 la 21an de februaro. La evento titoliĝas “Meksiko multlingva”, honore al sesdek naŭ naciaj idiomoj.

Sub la aŭspicio de Esperanta PEN-Centro la 44a literatura kafejo disvolviĝis hodiaŭ ĉe la legacio de la Esperanta Civito, zorge de Fajszi Amika Rondo. Gastis d-ro Vilmos Benczik, kiu per lumbildoj riĉigis prezenton pri Ferenc Szilágyi (pseŭdonime FerSil), okaze de la kvindeka datreveno de ties forpaso.

La Konsulo baldaŭ kunvokos la Lingvan Komitaton de Esperantio, kiu rolas kiel komisiono “ad hoc” por la Esperanta Civito, kaj konsistas el homoj kun raŭmisma koncepto pri nia lingvo. Lastfoje ili diskutis kaj decidis pri la neologismo “ĉaŭ”, proponita kiel saluto ene de la civitanaro.

Gonçalo Neves el Portugalio estos la ĉefa preleganto dum la tria lingva kolokvo de Kultura Centro Esperantista, okazonta en Ĉaŭdefono 13-15 aprilo 2018. La kolokvo estos dediĉita al la rilatoj inter esperanto kaj Ido, cent dek jarojn post la skismo iniciatita de Louis Couturat kaj Louis de Beaufront.

Pluraj renkontoj kun verkistoj kaj literaturaj institucioj en Meksikurbo karakterizis la unuan semajnon en Ameriko de gec-anoj Perla Martinelli kaj Giorgio Silfer. La rilatoj inter la Meksika PEN kaj la Esperanta PEN fonas al tiuj renkontoj. Inter ĉi-lastaj du estas aparte interesaj.

Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari legacon aŭ donacon.

Unika ŝanco por flue parolantaj esperantistoj en Meksiko: ili povos trapasi lingvotestajn sesiojn kaj atingi la diplomon C2 en Meksiko, la plej altan en la LingvoTesta Sistemo de la Esperanta Civito.

Kultura Centro Esperantista organizas la C-gradajn ekzamenojn. Ili okazos en Akapulko, 22 februaro 2018, kaj en Meksikurbo, 1 marto 2018. 

Unu el la plej famaj universitatoj en la mondo, MIT en Usono, gastigis en la nuna semestro esperanto-kurson, kiu kulminis per literatura seminario. La iniciaton proponis kaj kunorganizis d-ro Francesco Maurelli, vicprezidanto de TEJO, nuntempe esploristo pri robotiko ĉe MIT.

Gec-anoj Marie-France Conde Rey kaj Giorgio Silfer ĵus finis la redaktadon de la franclingva kajero pri la kultura historio de Esperantio, eldonota ĉi-jare de Esperanta PEN-Centro. La hispanlingva varianto estas jam preparata en Meksiko, kunlabore kun d-ino María Elena Ruiz Cruz, verkistino.