La nova konferenca salono de Kultura Centro Esperantista en Ĉaŭdefono ekde hodiaŭ portas la nomon de Claude Piron. La fama verkisto, forpasinta en 2008, estis konstanta apoganto de KCE dum multaj jaroj.

La Universala Kongreso koincidis ne nur kun la futbala kaj financa funebroj de Argentino, sed ankaŭ fatalis al la pola aktivulo Andrzej Grzebowski: li mortis hieraŭ en Sud-Ameriko, dum dormo, post aktiva partopreno en la bonaera UK. Eksa komitatano de TEJO kaj de UEA, li estis konata precipe kiel entreprenisto, liginte sian nomon al la turisma societo Esperantotur.

Sukcesa dutaga renkonto kadre de PEN Internacia en Ĉaŭdefono, 6-7 aŭgusto 2014. La okcitanan literaturon reprezentis Jean-Frédéric Brun kaj Joan Ros, prezidanto respektive vicprezidanto de la Okcitana PEN. La esperantan reprezentis gec-anoj Perla Martinelli, Giorgio Silfer kaj Walter Zelazny.

La kovropaĝo de la revuo “Femina” n-ro 37 estas dediĉita al la Internacia Festivalo de la Femina Kino, pri kiu raportas la talenta korespondantino, c-ino Marie-France Conde Rey: ŝi ja fariĝis unu el la plej interesaj kinorecenzitoj en Esperantio.

Amara retoriko de Zlatko Tišljar, sekretario de Eŭropa Esperanto-Unio, post la ĵusa kontinenta kongreso en Rivero (Kroatio):

La redakcio de HeKo peras privatajn komunikojn de legantoj nur se temas pri servo proponita de HeKo mem: ekzemple por mendi varbekzempleron de gazeto.

Ekster tiu kazo, la redakcio de HeKo peras ajnajn privatajn komunikojn de legantoj al paktintaj establoj, nur se la koncerna leganto havas la esperantan civitanecon, kaj identigas sin per persona nomo, familia nomo kaj CEN-kodo.

Ankaŭ la lastaj decidoj de la UEA-organoj en Bonaero konfirmis la bedaŭrindan masklismon en tiu Asocio nuntempe: nur el viroj konsistas la grava kvinmembra komisiono, kiu prizorgos praktike la retan voĉdonadon. Krome, neniu el ili venas el la “sudo”: kvar eŭropanoj kaj unu usonano el kuba deveno.

Estas riĉa de eseoj la ĉi-jara aŭgusta numero de “Literatura Foiro”, akurate aperanta danke al la laboro precipe de c-ano Carlo Minnaja, ĉefredaktoro, kaj c-ino Perla Martinelli, grafika redaktoro.

Dum UEA kongresas en bonaera hotelo, zorgante pro la konstantaj malkresko de la membraro kaj asocia deficito, la mondo ĉirkaŭ ĝi estas eksplodanta. Ne temas nur pri la multaj forgesataj militoj (neglektataj ankaŭ ĉe UEA, iam kandidato al la pac-Nobelo), sed pri la financa krizo en Argentino.

Komunaj studotagoj de la okcitana kaj esperanta literaturoj okazos ĉe Kultura Centro Esperantista, 6-7 aŭgusto 2014. Inter la gastoj el Okcitanio la prezidanto de la okcitana PEN-centro, Jean-Frédéric Brun; esperanto-verkistoj ĉeestos kaj fizike (gec-anoj Perla Martinelli, Giorgio Silfer, Walter Zelazny) kaj skajpe. La renkonto okazos en la franca lingvo.

Kvankam la komenco de la lernojaro 2013-2014 estis iom kriza, la laboroj tamen iris ne malbone en Institut Zamenhof, Lomeo. La rezultoj jarfinaj montras, ke IZo ĉiam sekvas la vojon, kiun ĝi strekis al si. IZo (posedata de fondumo TIETo) ĉiam staras inter la pintuloj dum la diversaj ekzamenoj jarfinaj.