Laŭ komisio de Kultura Centro Esperantista, kies junulara komisiono planas Internacian Junularan Kongreson en Svislando, gec-anoj Manuela Blanco kaj Alessio Giordano konsultiĝis hieraŭ kun Carlos Pesquera Alonso, vicprezidanto de TEJO, kun delego pri kongresoj.

Itala Interlingvistika Centro celebris hodiaŭ la Internacian Semajnon de la Esperanto-Biblioteko per sukcesa seminario en urbo Salo”, kiun interalie partoprenis la skabeno pri kulturo, d-ino Anna Rosa Bianchetti.

Esperanta Naturamikaro esploras la ŝancojn por diversaj iniciatoj en Eŭropo, okaze de la 125a datreveno de Naturfreunde Internationale. En tiu kuntektsto c-ino Manuela Blanco ĵus vizitis Francion, en kies naturamika movado pluraj aktivuloj amikas al nia lingvo: ne hazarde, en la statutaj celoj de lokaj naturamikaj grupoj ofte aperas ankaŭ la instruado de esperanto.

Morgaŭ ekos la 42a Internacia Semajno de la Esperanto-Biblioteko, kiun la Esperanta Civito celebras laŭ direktivo aprobita de la Forumo (asembleo de la paktintaj establoj).

Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari donacon aŭ legacon. La nuna analizo aperas multe post la antaŭa, pro la stazo kaŭzita de la pandemio.

Perla Martinelli, Vinko Oŝlak kaj Giorgio Silfer estas la unuaj kontribuontoj al Memorsimpozio honore al Eŭgeno de Zilah (1939[1952]-2020), okazonta ĉe Kultura Centro Esperantista en Svislando, 17-21 aŭgusto 2021. Ĉiuj personoj kiuj konis kaj estimis lin estos bonvenaj. La evento estas kvazaŭ daŭrigo de la jamaj internaciaj konferencoj de la malfondita OSIEK.

Aŭtuno 2020 alportas la novan Heroldon (2313) al la abonantaro, akurate kiel kutime. La monata gazeto de Kultura Centro Esperantista plenumas la centan datrevenon de sia fondo (aprilo 1920) per duobliĝo (aŭ reveno al la tradicia kvarpaĝeco) kaj per artikoloj el “Tutmondaj Voĉoj”.

Hieraŭ forpasis, post trisemajna malsano kaŭzita de viruso, la esperantlingva filozofo kaj verkisto Eŭgeno de Zilah (1939[1952]-2020), hungardevena franciano, profunde influita de la sika religio.

Ĉu “Internacia Pedagogia Revuo”, sindoneme redaktata de Jozefo Nemeth en Hungario, estos la unua viktimo de la krizo de la Universala, kiu nun atingas la instruistan organizon ILEI, kvazaŭ financa viruso?

Estas finita la baloto de la Senato por ratifi la alelekton de nova membro de la Kapitulo, kun delegoj pri socialaj aferoj: Komitato Armand por esperantistoj en prizono, Pasvorta Reto (aŭ Esperanta Tempobanko), Civila Esperanta Servo. Jen la rezulto de la baloto:

Kultura Esperanto-Festivalo, iniciatita de svedaj junuloj en 1986, unuafoje okazis en Upsalo sub la kunordigo de Leif Nordenstorm (tiama ĉefredaktoro de “Kontakto”). Ĝi disvolviĝis kvar fojojn en Svedio, tri fojojn en Danlando, du fojojn en Finnlando. Ĉu ĝi resurektos en Svislando dum somero 2022?

“Mi kredas ke krevas la esperanto-balono. Estas demando kiom da homoj lernos la lingvon, nur pro ĝia beleco, ĉu estas pliaj tiaj kialoj, per kiuj ni povus veki la interesiĝon de la lingvolernantoj” deklaris publike s-ino Pálma Csiszár, responsa pri lingvotestado en Origo, la oficiala diplomfabriko en Hungario.