Heroldo Komunikas | Heroldo Komunikas

Buller taksas nevalida la Komitatan baloton

HeKo 675 1-A, 25 mar 18

“Edvige [Ackermann] prave kontestis la validecon de la okazinta voĉdonado, ĉar ne ĉiuj komitatanoj povis voĉdoni aŭ iliaj voĉdonoj ne estis registritaj” publike deklaris Osmo Buller, eksdirektoro kaj nuna komitatano de Universala Esperanto-Asocio.

Nur tra HeKo kaj per retadreso validas interna komunikado

HeKo 674 9-C, 23 mar 18

La Konsulo (kaj ĉiu instanco kiu rekte dependas de li ene de la Esperanta Civito) skribe komunikas nur per retmesaĝoj tra la propra domajno, aŭ tra la oﬁciala novaĵagentejo HeKo.

Ekster HeKo, normigaj tekstoj (leĝoj, direktivoj, dekretoj ktp) estas dissendotaj ne ene de la retmesaĝo mem, sed kiel aneksita dokumento.

PEN-kajero pri nia literaturo jam hispanigita

HeKo 674 8-B, 21 mar 18

Estas ﬁnita la hispana traduko de la PEN-kajero pri nia literaturo: “Aproximación a la historia cultural de la comunidad esperantófona o del pueblo esperántico”. La tradukinto, María Elena Ruiz Cruz, honora prezidanto de la Meksika PEN, tiel komentariis al la aŭtoro, Giorgio Silfer:

KALiFo konfirmota kun interna rotacio

HeKo 674 7-B, 19 mar 18

La Administra Komitato de LF-koop, renovigota okaze de la Ĝenerala Asembleo 15 aprilo 2018, probable konsistos el la samaj membroj, sed kun interna rotacio. C-inoj Perla Martinelli kaj Marie-France Conde Rey proponas interŝanĝon de oﬁcoj: la dua iĝus prezidanto, la unua vicprezidanto por la mandato 2018-20. La ceteraj tri komitatanoj gardus sian oﬁcon.

Nova prezidonto por KCE 2018-20

HeKo 674 6-B, 18 mar 18

Je la statuta mandatﬁno la nuna prezidanto de Kultura Centro Esperantista lasos la Komitaton. Prof. Giorgio Silfer transprenis la prezidon en 2013, kaj gvidis la kulturcentron dum du sinsekvaj mandatoj. Ankaŭ la vicprezidanto, c-ino Elisabeth Amstad, lasos la Komitaton.

UEA-estraro fendita, prezidanto ne majoritata

HeKo 674 5-A, 16 mar 18

La ĵusa voĉdonado pri la propono alelekti du estraranojn en UEA konsistigis plian teston pri la interna prestiĝo de la gvidantoj, speciale prezidanto Mark Fettes, kiu subtenis la proponon.

Eŭropa Junulara Evento, kun TEJO-partopreno

HeKo 674 4-A, 15 mar 18

Trideko da junaj geesperantistoj partoprenos en la 10a Eŭropa Junulara Evento (YO!Fest), komence de junio 2018 en Strasburgo.

Heroldo 2282, tria numero en 2018

HeKo 674 3-B, 14 mar 18

Kultura Centro Esperantista, posedanto de “Heroldo de Esperanto”, ĝojas anonci la akuratan aperon de la marta numero en 2018 (2282).

La Kapitulo kunvenos ĉi-semajne

HeKo 674 2-C, 13 mar 18

La Kapitulo de la Esperanta Civito havos ĉi-semajne sian unuan kunvenon post la lasta parlamenta sesio, sub la prezido de la Konsulo.

LF kaj FEM en la festivalo de femina filmo

HeKo 674 1-B, 12 mar 18

Inkludante ĉiunumere feminajn paĝojn, laŭ interkonsento kun Feminisma Esperanta Movado, “Literatura Foiro” ĉeestas kun propra korespondantino la Internacian Festivalon de Femina Filmo, okazanta ĉi-semajne apud Parizo.

Seminario pri geopolitiko dum IJF en Suda Italio

HeKo 673 9-A, 11 mar 18

Laŭ invito de la organizantoj, prof. Giorgio Silfer gvidos tritagan seminarion pri geopolitiko dum Internacia Junulara Festivalo en Marina de Ascea (provinco de Salerno, sude de Napolo).

Horváth pri von Kleist en Budapeŝto

HeKo 673 8-B, 10 mar 18

Valora tradukinto, József Horváth gastos ĉe la 45a literatura kafejo en Budapeŝto, organizata de Fajszi Amika Rondo sub la aŭspicio de Esperanta PEN-Centro. La sidejo estas la orienta legacio de la Esperanta Civito, avenuo Thököly 58-60, en la 14a distrikto. La dato estas, kiel kutime, en la tria ĵaŭdo de la monato, do la 22a de marto, je 18h15.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.