La 300-paĝa “Kurso de ĝenerala lingvistiko” de Ferdinand de Saussure estos premiere prezentata en Rozoj (Costa Brava) okaze de la unua Naturamika Kultursemajno en Esperanto, 3-9 aoktobro 2022.
Financaj krizoj (en la Universala dum la lastaj jaroj, en la Junulara ĉi-jare) kondukis al la malapero de la stabo en UEA/TEJO: krom eraro, rezistos nur la direktoro, kiu eĉ ne loĝas en Roterdamo. Entute, ekde Novjartago 2023 nur unu el dek tri (ok de UEA, kvin de TEJO), inter dungitoj (partaj kaj plenaj) kompare kun la 2010aj jaroj.
HeKo 794 1-C, 31 aug 22
La Kapitulo de la Esperanta Civito kunsidis hodiaŭ telematike, sub la prezido de la Konsulo, sen. Riichi Karibe. Ĝi pritraktis la geopolitikan situacion en la mondo, kiun simplaj homoj observas kun kreskanta pesimismo. Tiu pesimismo paralelas rilate la evoluon de la malnova Esperantio.
Tri temoj dividas la Universalan: la vendo de Nieuwe Binnenweg 176, la kunvoko de Universala Kongreso al Afriko, la sinteno pri la milito en Ukrajno. Se konsideri la vastan plejmulton kiu en la Komitato aprobis la vendon, kaj la fakton ke nur uranistoj kritikas la eventualan elekton pri Tanzanio, temas pri marĝena opozicio, aŭ taktike misorganizita, kvankam brua.
La Komitato de Tutmonda Esperantista Junulara Organizo prokrastis la aprobon de longeta strategia dokumento, nomata “Lingvopolitikaj Pozicioj”, kiu devus anstataŭi analogan dokumenton aprobitan en 2011.
Jam antaŭ tuta monato la abonantaro ricevis la aŭgustan numeron de “Literatura Foiro” (318). Tre varia kiel kutime, la revuo uverturas per metrike riĉa poemo de Benoit Philippe, kiun tuj sekvas eseo de Giorgio Silfer pri “Literatura Mondo” kiel eldonejo, kun aparta atento pri la rolo de Vilmos Bleier.
Kultura Centro Esperantista aktivos en la Asocio de LingvoTestistoj en Eŭropo dum la venontaj monatoj, speciale dum la ALTE-konferencoj en Prago meze de novembro 2022 kaj en Madrido fine de aprilo 2023; la esperanto-delegacion gvidos c-ino Lorena Bellotti, vicprezidanto de KCE.
La glosaro suplementa al “Kurso de ĝenerala lingvistiko” (de Ferdinand de Saussure, tradukis c-ano Fernando Pita, provlegis s-ro Andres Bickel, lingve reviziis gec-anoj Alessio Giordano, Perla Martinelli kaj Giorgio Silfer), premiere prezentota dum la 1a Naturamika Kultursemajno en Rozoj (Costa Brava), 5 oktobro 2022, estas la unua briko sur kiu fundamentas nova verko: “Gramatiko de la esperant
Kooperativo de Literatura Foiro anoncas kun profunda kondolenco la hieraŭan forpason de s-ino Teresita Bozzetta, edzino de d-ro Tazio Carlevaro, unua prezidanto de LF-koop (1980-1985). Al la funebro aliĝas ĉiuj membroj de “La Patrolo” kaj la ĉefredaktoro de “Literatura Foiro”.
La Komitato de la Universala ĵus bastonis c-anon Koffi Gbeglo, kun la plena konsento de s-ro Osmo Buller, ĝuanta eksdirektoran pension pro UEA mem en Finnlando. La finno plu lipmienas kontraŭ la nigra Afriko, kritikante la proponon organizi Universalan Kongreson en Tanzanio:
Oficiala statistiko anoncas pli ol ducent kvardek aliĝojn al la Internacia Junulara Kongreso okazanta en Nederlando, sed en la kampara kongresejo, izolita je pluraj kilometroj de urbo aŭ vilaĝo, promenas ne pli ol duono. Tiel klarigas la kongresa kuriereto:
La 11a Kultura Esperanto-Festivalo proponis interesan menuon kun diversaj kulturgrupoj sub la nomo “atelieroj”: pri marionetfarado, kantado, jogo, Yumeiho-masaĝo, ĉigongo. Ili ĉiuj okazis en la festivalejo mem (kiu afable disponigis matojn se necese), krom tiu pri marionetfarado, en la ĉarma pupteatro “La Turlutaine”: ĉi-lasta estis la sola en la franca, postinterprete de Andres Bickel.
