La komenco de 2016 proponas du organizajn novaĵojn en Roterdamo, ĉe la Centra Oficejo de Universala Esperanto-Asocio. La malpli grava el ili estas la alveno de nova direktoro, kiu vintrofine transprenos plene la oficon de la pensiiĝonta Osmo Buller.

Profesoro Armando Zecchin mortis hieraŭ en Torino, post vana lukto kontraŭ mjelomo. Li naskiĝis en Cartura, provinco de Padovo, 4 decembro 1924, kaj eklernis esperanton jam en sia tria aĝo (1990).

Laŭ invito de Litova Esperanto-Asocio prof. Giorgio Silfer prezentos la verkon “Historio de la esperanta literaturo” ĉe la prestiĝa Ĵurnalista Domo en Vilno, 19 februaro 2016 je 17h30. Enkondukos s-ro Povilas Jegorovas.

Dum la evento c-ano Silfer tostos kun la litovaj legantoj kaj klientoj de LF-koop okaze de la kvindeka datreveno de sia esperantiĝo.

Reĝo havis kvar edzinojn. Ili ĉiuj diradis al li, ke ŝi pli bone amas lin ol la ceteraj. La reĝo ne rifuzis tion, kaj la tempo pasadis. Iam la reĝo tiom grave malsaniĝis, ke estis mortonta. La reĝo alvokis siajn edzinojn kaj diris al ili, ke li bezonos ilin en la transtombo kaj tial ili mortu kun li. Tuj reagis edzino: “Ne, mi estas tro juna por morti”.

Dum la landa asocio de UEA rezignas pri la okazigo de kontinenta kongreso en Rumonge, la paktinta establo SIPU, pere de sia branĉo Afrika Esperanto-Instituto, realigos kontrakton de partnereco, aprobitan 30 decembro 2015 fare de la ministro pri edukado de Burundio.

La Naturamika Asocio de Togolando gastigis c-anon Giorgio Silfer, kiel reprezentanton de Esperanta Naturamikaro, dum dutaga vizito en Kpalimeo, unu el la plej gravaj urboj en la lando, sur la altebenaĵo lime kun Ganao.

Per simpla ceremonio dum la lasta tago de la Afrika kongreso la unua Civita senatano el Togolando, Didier Apélété Agbolo elektita per la Ruĝa listo, transprenis oficiale sian rolon.

Post tri Afrikaj Esperantologiaj Semajnoj (Lomeo 2005, Buĵumburo 2008 kaj 2011) kaj unu Esperantologia Semajnfino en Dakaro 2007, prof. Giorgio Silfer denove gvidis klerigajn studgrupojn en Afriko, ĉi-foje kadre de la okazanta 6a Afrika Kongreso de Esperanto.

La sesa Afrika Kongreso de Esperanto estis inaŭgurita hieraŭ matene en la vilaĝo Anyron, situanta proksime al la Zovla lago en Togolando. La vilaĝo estas ekonomie malriĉa, kiel multaj en tiu vasta kamparo, sed ĝi havas apartan karakterizon: ĝi donas eminentulojn al la lando.