Jen denove la fatala dato, la 8an de marto, jam tradicia Tago de la Virinoj. Kun bedaŭro, sed sen surprizo, ni konstatas ke ankaŭ en 2018 la situacio en la mondo entute ne progresis. Ĉefaj problemos restas la perforto, la manko de egaleco en rajtoj kaj ŝancoj, la malsufiĉa reprezentivo en la gvidaj postenoj.

Esperanta PEN-Centro aktivas en ĉiuj komitatoj de PEN Internacia, per propraj delegitoj: pri verkistoj en prizono (Chiara Macconi), pri paco (Zeki Ergas kaj Giorgio Silfer), pri verkistinoj (Marie-France Conde Rey kaj Perla Martinelli), pri lingvaj rajtoj kaj tradukarto (Giorgio Silfer).

Esperanta Naturamikaro havos sian ordinaran Asembleon en Malago, 16 marto 2018, sub la prezido de sen. Julio Herrero.

En Ameriko c-ano Luis Raudón, rezidanta en Akapulko, fariĝis hodiaŭ la unua diplomito laŭ nivelo C2, konforme al la LingvoTesta Sistemo de la Esperanta Civito, la sola kiu ekzamenas laŭ ĉiuj ses niveloj.

La lingvotesta sesio okazis en Meksikurbo, danke al la afabla helpo de la prezidintino de la Meksika PEN. Ekzamenis gec-anoj Perla Martinelli kaj Giorgio Silfer.

La Instituto Nacia por Lingvoj Indiĝenaj en Meksikurbo invitis c-anon Giorgio Silfer gvidi seminarion pri la esperanta literaturo, rezervitan al siaj kadroj. La aranĝo okazis hodiaŭ kaj vidis la partoprenon de dudeko da funkciuloj, lingvistoj, esploristoj kaj aŭtoroj en meksikaj indiĝenaj lingvoj. Kunlaboris Esperanta PEN-Centro kaj la prezidintino de Meksika PEN-Centro, lic.

Pro atingita templimo fine de februaro 2018 la Konsulo aplikas al Meksika Esperanto-Federacio la artikolon 5 de la Foruma Reglamento. Konsekvence MEF estas eksigita el la Pakto, kaj ne rajtas plu ricevi informojn pri eventualaj investoj de la Esperanta Civito en Meksiko.

Universala Esperanto-Asocio baraktas en pli kaj pli komplika situacio. En unu nodo plektiĝas la du ĉefaj problemoj: financa stato kaj organiza kupolo.

La 5an de marto 2018, je 10h00, ĉe la naturamika Esperanto-Domo en Malago, ekos dusemajna intensiva kurso pri esperanto, rezervita al komencantoj kiuj scipovas nur la propran denaskan lingvon, kaj neniun fremdan.

“La sonorilo de Bled” estas la sola orginala romano en esperanto kies intrigo disvolviĝas en Slovenio. Ĝin verkis ne sloveno, sed serbo: Stefan Ĵivanoviĉ (1900-1938), profesia kuracisto, cetere tre engaĝita esperantisto. La romano estiĝis en 1925, sed povis aperi nur longe post la morto de la aŭtoro, en 1959.

Kvar lingvoj estas elektitaj por la poezia recitalo “Voĉoj de l” mondo”, en Meksikurbo kadre de la nacia celebrado okaze de la Internacia Tago de la Gepatra Lingvo, ĉe la prestiĝa Colegio Nacional je 19h00 la 21an de februaro. La evento titoliĝas “Meksiko multlingva”, honore al sesdek naŭ naciaj idiomoj.

Sub la aŭspicio de Esperanta PEN-Centro la 44a literatura kafejo disvolviĝis hodiaŭ ĉe la legacio de la Esperanta Civito, zorge de Fajszi Amika Rondo. Gastis d-ro Vilmos Benczik, kiu per lumbildoj riĉigis prezenton pri Ferenc Szilágyi (pseŭdonime FerSil), okaze de la kvindeka datreveno de ties forpaso.