HeKo 781 9-C, 23 feb 22
Densa agendo por la vickonsulo pri financoj en Budapeŝto, kien li alvenis hodiaŭ vespere. En la orienta legacio c-ano Silfer difinos la detalojn de diversaj misioj de c-ino Alieva, kiu vizitos dekon da landoj, inkluzive de sia naskiĝlando Azerbajĝano: ŝi forestos de Hungario preskaŭ tri monatojn, oficante kiel buralisto plejparte en Bakuo.
Dum Svisa Esperanto-Societo pere de sia A-komitatano Dietrich Weidmann en pracela deliro atakadas la estraron de UEA, minacante fajron kaj flamojn en la Universala Kongreso de la “pacaj batalantoj”, eksdirektoro Osmo Buller iniciatis novan taktikon, kies celo ŝajnas pli lerta kaj efika: eŝafodi la eŝafodiston, nome trovi la manieron imputi la nunan direktoron Martin Schaeffer kaj ti
Svisa Esperanto-Societo atakas la estraron de UEA pere de sia A-komitatano Dietrich Weidmann. Pri liaj nunaj (kaj antaŭaj) eĉ iom deliraj deklaroj rezultas nenia konsultiĝo kun la membraro de SES, sed ĉar nek la prezidantino (Mireille Grosjean), nek la SES-estraro nek la ĝenerala Kunveno iam kontestis tiujn deklarojn, oni deduktas ke la svisaj UEA-anoj konsentas pri ili.
HeKo 781 6-C, 18 feb 22
Post diversaj misioj en Hungario kaj Slovakio, la planataj en Grekio, Rumanio, Ĉeĥio, c-ino Ĥadiĝa Alieva estas preparata por vojaĝoj al Turkio, Irano, Kaŭkazaj landoj, kadre de sia ofico de legacia asistanto. Tiuj novaj misioj disvolviĝos inter marto kaj aprilo 2023, koincide kun plursemajna deĵoro kiel buralisto en ŝia naskiĝurbo Bakuo, ĉe la Kaspia maro.
HeKo 781 5-C, 16 feb 22
La Kapitulo de la Esperanta Civito telematike kunsidis hieraŭ, sub la prezido de la Konsulo, sen. Riichi Karibe el Japanio.
Fajszi Amika Rondo, aŭspicie de la Esperanta PEN, organizas sian 68an literaturan kafejon en Budapeŝto, ĉe la orienta legacio de la Esperanta Civito, 24 februaro 2022 je 18h00. Gastos c-ano Giorgio Silfer, kiu fermos la jubilean jaron traktante la temon “Danto, Hungario, Esperanto”.
Dum la lasta semajno de februaro c-ino Manuela Blanco restados en Katalunio por difini la lastajn detalojn de la organizo de la Naturamika Kultursemajno en Esperanto (NAKSE), kiu disvolviĝos en Roses, 2-9 oktobro 2022.
HeKo 781 2-C, 11 feb 22
Hodiaŭ forpasis c-ano Anatolo Gonĉarov, edukita en la rusa lingvo (1940[1958]-2022), patro de denaska esperantistino. La morto renkontis lin en la virusinfekta fako de hospitalo en Brjansko, en regiono najbara al Belorusio. Li ofte translokiĝis en sia vivo (ankaŭ pro pluraj edzecoj, el kiuj la por li plej grava estis tiu kun Irina, en Moskvo).
Lasta paŝo por la likvido de la malnova UEA: la Komitato de la Universala aprobas ĉi-semajne la vendon de la domo en Nieuwe Binnenweg 176, proponitan de la estraro.
HeKo 780 9-C, 6 feb 22
Esperanta Naturamikaro partoprenos en tri aktivecoj de la naturamika Junularo, inter marto kaj majo 2022, financataj de instancoj de Eŭropa Unio, en Grekio, Rumanio kaj Ĉeĥio. Esperantion reprezentos c-ino Ĥadiĝa Alieva, kiu kaptos la ŝancojn por renkonti diversajn aktivulojn en Ateno, Istanbulo, Bukureŝto kaj Prago.
Kultura Centro Esperantista komunikas ke dum februaro kaj marto 2022 la Esperanto-Domo en Svislando estos fermita pro flegaj internaj laboroj. La kontoroj daŭre funkcios, sed neniu rajtos tranoktadi en la kvaretaĝa konstruo. Por la stabanoj funkcios la kuirejo, sur la terasa etaĝo.
La ĝenerala Asembleo de Afrika Esperanto-Instituto, kunsidinta hieraŭ en la Tanganika Esperanto-Domo sub la prezido de c-ano Lucien Kagina (SIPU-reprezentanto), aprobis retrospektive profundan raporton de fondumo Pro Esperanto kaj perspektive riĉan programon.
