HeKo 715 4-C, 1 aug 19
Rimarkinda procento de la populacio en la provinca ĉefurbo proksima al la TEJO-kongresejo, Liptovský Mikuláš, estis hebrea ĝis la dua mondmilito. Same alta estas kaj restas la procento de roŭmoj en Slovakio. Hodiaŭ liturgie senutila post la ekstermo de la hebreoj fare de la Tria Regno, la granda kaj stile interesa sinagogo de Mikulaŝo funkcias kiel kulturcentro.
HeKo 715 3-C, 31 jul 19
Du reprezentantoj de la Kapitulo de la Esperanta Civito (inter ili la Konsulo) kaj kvar reprezentantoj de la Estraro de TEJO (inter ili la eniranta prezidanto kaj eliranta vicprezidanto) havis tuthoran konsultiĝon hieraŭ vespere dum la Internacia Junulara Kongreso en Slovakio.
Malgraŭ someraj fulmotondroj serene disvolviĝas la Internacia Junulara Kongreso, bone organizita de Slovaka Esperanto-Junularo en Liptovsky Hrádok, piede de la Tatra montaro. La sereneco montriĝas ankaŭ ĉe la Komitato de Tutmonda Esperantista Junulara Organizo, kiu ĵus elektis unu el la plej interkontinentaj estraroj en sia historio, tamen prezidatan de eŭropano.
La 55a literatura kafejo en Budapeŝto, organizata de Fajszi Amika Rondo sub la aŭspicio de Esperanta PEN-Centro, havos eksterordinaran gastinon. La ĉefredaktoro mem de “Literatura Foiro” prezentos al la publiko la 300an numeron de la revuo, ĵaŭdon la 8an de aŭgusto ekde 18h00 ĉe la orienta legacio de la Esperanta Civito.
“La Komitato donis la taskon al la nova financa komisiono en la daŭro de ses monatoj redakti konkretan planon kun alternativoj kaj kostoj. La financa komisiono akceptas konsilojn de ĉiuj membroj de UEA. Atendante apartan tiucelan ret-adreson, viaj konsiloj estas bonvenaj ĉe mi, kiu transdonos ilin al la tuta komisiono.”
Kultura Centro Esperantista de kvindek jaroj funkcias kiel libroservo, de kvardek kiel internacia feria altlernejo (unua sesio en 1979), de tridek kiel konferenca centro (Internacia Literatura Forumo pri Edmond Privat en 1989; regulaj konferencoj rekomenciĝis en 1998), de dek tri kiel ekzamena centro kuplita al ALTE (laŭ direktivo Mühlemann pri la Lingvotesta Sistemo de la Esperanta Civito).
Posedate de familio Kehlet, la retejo www.esperanto.net estis adjudikita al ekstera subjekto, por ke ĝi flegu tiun informan paĝaron: Universala Esperanto-Asocio. Dum jaroj la paĝoj vegetis iel tiel, sed lastatempe la retejo eliris el sia letargio. Interalie ĝi gastigas interesan recenzoarkivon, private kreitan de sveda esperantologo.
En hodiaŭa publika deklaro s-ino Ans Bakker minace aludas pri la sorto de la interlingvistika katedro en la universitato de Amsterdamo:
La nuna vicprezidanto de TEJO, Francesco Maurelli, proteste rezignis pri la ofico protokoli la kunsidojn de la Komitato de UEA. Jen la esenca parto de lia demisio:
La reformo de la tarifaro alportis nek kreskon nek katastrofan malkreskon ĉe la membraro de Universala Esperanto-Asocio, kies nombroj falis je ok procentoj en 2019, kompare kun 2018 (de julio al julio). Se konsideri la malpli grandan UKon ĉi-jare, la membrarfalo ŝajnas surprize limigita.
HeKo 714 3-C, 21 jul 19
Ekde Novjartago 2021 Pro Esperanto ne plu uzos sian konton ĉe Universala Esperanto-Asocio. Tio signifas ke ĉiu establo kiu havas kontrakton kun la fondumo ne plu aktivos en la UEA-kontosistemo. La fakturoj de LF-koop, KCE, Esperanta PEN-Centro, Esperanta Naturamikaro, Feminisma Esperanta Movado ktp ne estos plu pageblaj tra Roterdamo.
La prezento pri “Kanti klasike” fare de la geartistoj Federica D’Antonino (soprano), Gaetano Merone (baritono) kaj Francesco Cipullo (klavaro), ne plu okazos dum la Internacia Junulara Kongreso en Slovakio, pro la rezigno de la baritono, kiu akiris por si pli gravan kaj pli pagitan engaĝon samtempe. La tri geartistoj kantas, sed ne parolas en esperanto.
