HeKo 385 8-C, 27 mar 09
La franca filio de la partio Eŭropo-Demokratio-Esperanto (fakte la plej forta en Eŭropo) kunvenis pro sia ĝenerala Asembleo lastan sabaton, en la pariza sidejo de la landa asocio de UEA. Ĉeestis trideko da EDE-anoj, sed neniu rimarkigis ke antaŭ kvin jaroj la gastiganta societo rifuzis sian subtenon, dum de post UK 2006 EDE estas kunlaboranta faka asocio de UEA.
Dudek tri literaturoj estas reprezentitaj en la 41a Internacia Verkista Renkonto (25-29 marto 2009 en Bled, Slovenio), oficiale inaŭgurita ĉi-matene fare de la slovena prezidento, Danilo Türk. La slovena ŝtatestro faris geopolitike tre interesan intervenon. La esperantan literaturon reprezentas sen.
HeKo 385 5-C, 25 mar 09
Ĉi-semajne antaŭ dek jaroj aperis la unua numero de HeKo, sub la redakto de Judit Felszeghy, tiama direktoro de LF-koop. La retbulteno fakte apartenis al LF-koop, kiu la 2an de junio 2001 donacos ĝin al la Esperanta Civito.
Per lekcio pri la esperanta literaturo hieraŭ mi havis la honoron fermi la lastan universitatan kurson de prof. d-ro Fabrizio Pennacchietti, kiu lasas la universitaton pro atingita pensia aĝo fine de la akademia jaro.
HeKo 385 3-C, 22 mar 09
La ritme trankvila sed konstanta multiĝo de la paktintaj establoj vekas la bezonon koherigi la eksterajn rilatojn de la unuopaj paktintoj, profite al ili ĉiuj. Kadre de tio, necesas ankaŭ difini la limojn de la kompetentoj de la paktintoj unuflanke kaj de la Civita ekzekutivo aliflanke.
S-ro Andy Künzli estas konata pro diversaj konfliktoj (interalie kun CDELI kaj s-ro Claude Gacond), konfliktoj kiuj multiĝas lastatempe, en rilato kun la enciklopedia verko kiun li aŭtoris.
HeKo 385 1-C, 21 mar 09
La arbitracia instanco de la Esperanta Civito oficas laŭ dujaraj mandatoj. La nuna ĉesos fine de februaro 2010. Tial la Konsulo enskribis en la tagordon de la venonta Foruma sesio (Ĉaŭdefono, 11 aprilo 2009) la renovigon de la Kortumo. La Kortumon fakte elektas ne la Senato, sed la asembleo de la paktintaj establoj, do la Forumo.
La nombro de individuaj membroj de Universala Esperanto-Asocio en 2008 falis al 5.702, kun ronda perdo de kvin procentoj kompare kun 2007 (6.011). “Tio estas la plej malgranda nombro post la Dua Mondmilito. La antaŭa malrekordo estis 5.713 en la jaro 2002” publike rimarkis Osmo Buller, ĝenerala direktoro de UEA, kiu plu komentariis:
La 17a numero inaŭguras la kvinan jarkolekton de “Femina”, kiu politike reprenas la temon “seksa perforto” de pli frua numero, precipe danke al la mesaĝo de sen. Chamberline Nguefack okaze de la 8a de marto 2009.
La kvardekan jarkolekton de “Literatura Foiro” markas la belaspektaj kovriloj de Leonora Gonzalez el Meksiko, kiuj estas ligitaj kun la 150-jariĝo de Zamenhof. En ĉiu numero de 2009 eseo de elstara esperantologo omaĝos la datrevenon de la Majstro. En la ĵusa, februara numero estas tiu de Carlo Minnaja pri Zamenhof la verkisto.
