Ege interesa seminario pri azilantoj, rifuĝintoj, ekzilitoj kaj ceteraj mislokitoj dum la lasta tago de NAKSE. Antaŭtagmeze prelegis advokato J. Antonio Esteban, kiu kunlaboras kun neregistaraj organizoj, kaj ekrilatis al Esperanta Naturamikaro okaze de samtema studotago en Malago. La publiko, unuavice la Civitaj stabanoj, ricevis kompletan klerigon pri la situacio en Hispanio.

Dum c-ano Antonio Vidal gvidis naturamikojn al tre ŝatata ekskurso, disvolviĝis gravaj asembleoj: la parlamenta sesio de la Esperanta Civito kaj la ordinara asembleo de Esperanta Naturamikaro. Pri la unua vi legos en aliaj raportoj, pri la dua en ĉi tiu HeKomuniko.

Juan Garcia del Rio debutis pri filozofio de la naturo kaj pri ĉinaj ideogramoj en la Naturamika Kultursemajno, surprizante per multfaceta kompetento; la duan prelegon li kompletigos morgaŭ. La andaluza intelektulo havas kvalitojn de esperantologo; krome lia filo Angel perfektiĝas lingve kun c-ano Alessio Giordano.

C-ano Alessio Giordano per kurso por progresantoj, sen. Marie-France Conde Rey pri metodikaj spertoj en Afriko, sen. Lorena Bellotti pri lingvotestado kunlabore kun ALTE: la hodiaŭa tago de NAKSE estis karakterizita de instruado.

La unua mateno de la Naturamika Kultursemajno estis dediĉita al PEN, por ke la publiko orientiĝu pri la asocio kiu fundamentas la aktivecon por la lingvaj rajtoj, ĉe la literaturistoj. La lingva biodiverseco estis la ĉefa temo de la intervjuo de Giorgio Silfer al Carles Torner, farita en la franca kun tuj posta interpretado. La tuto estis tre impresa por la partoprenantoj.

Per agrabla interkona vespero komenciĝis la unua Naturamika Kultursemajno en Esperanto, organizita de Esperanta Naturamikaro en Rozoj (Costa Brava). La aranĝo disvolviĝas en tre gastama hotelo, plus ekskursoj, laŭ la tradicio de iama turisma semajno, nun resurektinta danke al la konsorcio de la Esperanta Civito, analoge al Kultura Esperanto-Festivalo.

La delegito de la esperanta literaturo, c-ano Giorgio Silfer, estis tre aktiva dum la Asembleo de PEN Internacia, ĵus finita en Upsalo (Svedio) post kvartaga mondkongreso. Liaj intervenoj vekis ĉiam konsenton kaj admiron, kio stimulis ĉe pluraj ankaŭ pozitivan intereson pri nia literatura lingvo.

La Konsulo de la Esperanta Civito, sen. Riichi Karibe, anoncis la proponon de aldona amendo al Lex Valeria (pri la familia juro) kaj la proponon de leĝo pri la Civita stabo, liveritaj de ambaŭ Senataj grupestrinoj.

La Konsulo de la Esperanta Civito, sen. Riichi Karibe, anoncis la proponon de direktivo pri Komuna Integrita Biblioteka kaj Arkiva Sistemo (KIBAS), liverita de la paktintoj Fajszi Amika Rondo kaj Itala Interlingvistika Centro; referanto: c-ano Alessio Giordano. La propono, tuj submetita al forumokonsulto, eniros la tagordon de la Foruma sesio en Rozoj, 7 oktobro 2022.

“Kulture bunta” estas la plej trafa epiteto por ĉiu numero de Literatura Foiro, kaj speciale tiu de oktobro 2022 (319), akurata pli ol ĉiam, en la 53a jarkolekto.

Samtempe kun la sesio de la Ĝenerala Asembleo de Unuiĝintaj Nacioj en Nov-Jorko, Moskvo kunvokis plebisciton (ne referendon) en la ruslingvaj teritorioj de orienta Ukrajno, praktike sub okupacio. Aldone, partan mobilizon de la armeo, kio egalas al la intenco defendi tiujn teritoriojn post la aneksado al Rusio.

Dum sia unua kunsido prepare al la 12a Kultura Esperanto-Festivalo (Ĉaŭdefono, 24-29 julio 2023) hieraŭ la Abeletoj ricevis informon pri la finance pozitiva rezulto de la 11a KEF, laŭ interna komuniko de la revizoro de Kultura Centro Esperantista.