HeKo 447 6-C, 31 jul 10
La Manifesto de Raŭmo estis laŭtlegita de Jouko Lindstedt ĉe la unua (kaj lasta) Internacia Junulara Kongreso en Finnlando, la 31an de aŭgusto 1980. La laŭtlegon sekvis longa aplaŭdo, kaj tuj poste ekis la subskribado. Ni demandas al Giorgio Silfer, la dua kunaŭtoro de la Manifesto, ĉu li supozis ke ĝi restos daŭre aktuala, tridek jarojn poste?
HeKo 447 5-C, 30 jul 10
Postmorgaŭ aktiviĝos la internacia konvencio kontraŭ la grapolbomboj, precize ses monatojn post la atingo de la trideka ratifintoj. Entute 136 ŝtatoj subskribis la konvencion en Oslo (decembro 2008), sed nur 34 ratifis, ĝis nun.
HeKo 447 4-C, 30 jul 10
Komitato Armand (pri esperantistoj en prizono) registras novan verdikton kontraŭ esperantlingvano. Temas pri Julia Privedjonaja, 36-jara, kiu membras en PORTOS (Poezia Asocio por la Ellaborado pri Teorio de Feliĉo).
HeKo 447 3-C, 29 jul 10
Kiel sciate, la asertoj de la memproklamitaj “ministroj de la Esperanta Respubliko” ne povus esti objekto de arbitracio ĉe la Kortumo, ĉar: a) neniu el ili havas la esperantan civitanecon; b) se iu el ili petus ĝin, laŭ la leĝo pri familia juro necesus tuj trovi personon kiu prizorgas la kuratelon, ĉar ilia kazo estas asimilita al tiu de s-ro Serge Reverdin, efektiv
La franca esperantisto kaj mondcivitano Philippe Chavignon ricevis en la fermo de la Havana UK Premion Onisaburo Deguĉi. La Premio estis starigita en la Jubilea Jaro 1987 per donaco de Oomoto por ĉiujare distingi agadon, kiu per esperanto antaŭenigas la internacian amikecon kaj solidarecon en la spirito de L. L. Zamenhof kaj Onisaburo Deguĉi.
Eble ne okazos en Kinŝaso la tria Afrika Esperantologia Semajno, planita por la komenco de 2011, kun la instruado de c-ano prof. Giorgio Silfer. El la ĉefaj cel-landoj, nome la du Kongolandoj, la nombro da kandidatoj estas neglektinda, dum tre rimarkinda estas la aliĝemo el aliaj afrikaj landoj. Tial Kultura Centro Esperantista estas konsideranta la okazigon aliloke.
Hodiaŭ disvolviĝas en Burundio la lasta baloto, koncernanta la Senaton de la respubliko. La antaŭan semajnfinon okazis la elektoj por la Deputit-Ĉambro, fine de junio tiuj por la Prezidento kaj fine de majo tiuj por la lokaj registaroj.
La Projekta Konsilio de AmaHoro kunvenis hieraŭ vespere en la ĉefurbo de Burundio, sub la prezido de c-ano Martin Mbazumutima. En la tagordo estis la analizo de diversaj proponoj por la unuaj konstruoj en la Civito de Paco, la difino de diversaj kunlaboroj kaj la Monda Socia Forumo 2011.
La itala deputito Marco Beltrandi (radikala partio) kaj la sekretario de “Esperanto” Radikala Asocio Giorgio Pagano estis akceptitaj 21 jul 10 de la prezidanto de la itala Deputit-Ĉambro, Gianfranco Fini.
HeKo 446 6-C, 27 jul 10
Dakaro gastigos la Mondan Socian Forumon 6-11 februaro 2011. Prepare al tiu evento, ekde hodiaŭ tie kunvenas tridek tri personoj el pluraj afrikaj landoj kaj la Internacia Konsilio de MSF, plus dudeko el Senegalio mem. La tritaga seminario celas enfokusigi la gvidliniojn por 2011 rilate strategion, ekspansion, mobilizon, metodologion, komunikadon kaj monkolekton.
Internaciaj Esperanto-Konferencoj okazadas ekde 1988, kun la partopreno de kelkdeko da personoj, kiel daŭrigo de la samnomaj aranĝoj organizitaj de la movado kiu kolektiĝis ĉirkaŭ Ivo Lapenna kaj la periodaĵo “Horizonto” ekde 1975.
La numero 2.158 (9:2010) de “Heroldo de Esperanto” rekte eniras la kongresan sezonon, kiun daŭrigas, post la fervojista, la katolika kaj la instruista kiel internaciaj renkontoj: speciale delikata ŝajnas la situacio ĉe la katolikoj. Sed eĉ pli tikla povas esti la etoso en la hispana Esperantio, post la verdikto de la Konstitucia Kortumo pri la statuto de Katalunio.
