“Dum IJK la Komitato ne aprobis la financan raporton pro manko de bilanco. La kasistino diris ke UEA ne donis la informojn al TEJO, por ke ŝi povu fari la raporton, do ni petis ke ŝi provu denove kaj donis limdaton de la 30a de septembro” skribis komitatano Robert Nielsen al la TEJO-Estraro fine de septembro.
Morgaŭ en Sofio oni festos la 60-jariĝon de Bulgara Esperanto-Teatro, al kiu “Literatura Foiro” dediĉis ĉiun kovropaĝon de la jarkolekto 2008, tiu de la ora jubileo. Tiuokaze en la n-ro 231 (februaro) Ljubomir Trifonĉovski longe intervjuis Belka Beleva, kiu revuis duonan jarcenton da aktiveco.
Sociala Grupo Lexus eldonis nur tri numerojn de “Heroldo de Esperanto” por la jaro 2017, kaj ĵus anoncis rezignon pri la kolekto 2018.
“Aproximación a la historia cultural de la comunidad esperantófona o del pueblo esperántico”, verkita de Giorgio Silfer kaj María Elena Ruiz Cruz kiel aŭtonome informa PEN-kajero referenca al “Historio de la esperanta literaturo”, estos komuna eldonaĵo de LF-koop kaj Editorial Praxis en Meksiko.
La ordinara Asembleo de Esperanta Naturamikaro estas kunvokita al Malago, ĉe la naturamika Esperanto-Domo, sabaton la 23an de marto 2019 je 18h00, sub la prezido de sen. Julio Herrero.
Gianfranco Molle (1950[<1975]-2018), la plej fama artisto en la roma skolo de la esperanto-kanzono, forpasis ĉi-matene. Filo de vilaĝestro kaj de elementa instruistino, kiel junulo li interesiĝis pri nia lingvo koincide kun civilserva iniciato de TEJO ĝuste en Roccasecca (kie naskiĝis, krom li, alia grava muzikisto: Severino Gazzelloni).
HeKo 697 1-C, 8 dec 18
Ĉi-jare ni festas la sepdekan datrevenon de la Universala Deklaracio pri la Homaj Rajtoj (la 10an de decembro) kaj la dudekan de la Pakto por la Esperanta Civito. Ĉi-lasta havas en la Deklaracio fundamentan referencon. Ĝi estas por ni leĝo same valora kiel la Konstitucio.
Morgaŭ Hispanio celebros la 40an datrevenon de la referenduma aprobo pri la nuna Konstitucio. Tri jarojn post la morto de Francisco Franco, en decembro 1978 jure kaj formale komenciĝis nova epoko.
La administrantoj de la Facebook-paĝo “Literatura babilejo” (krom eraro, s-roj Sten Johansson kaj Nicola Ruggiero) praktikas pinokjan manieron apliki cenzuron kontraŭ raŭmistoj.
HeKo 696 7-C, 2 dec 18
La Kapitulo de la Esperanta Civito estas kunvokita al Buĵumburo, ĉe la sidejo de SIPU, por la 27a de decembro 2018 je 16h00, por diskuti laŭ la suba tagordo:
Kultura Centro Esperantista kompletigis la ĉi-jaran kolekton de sia monata informilo “Heroldo de Esperanto”, aĉetita el LF-koop novjartage 2018. La gazeto aperis akurate komence de ĉiu monato, foje kvarpaĝa, sed plej ofte dupaĝa, en la tradicia formato A3.
HeKo 696 5-C, 30 nov 18
En Burundio du transnaciaj establoj, nome IEK (islamanoj) kaj SIPU (pacifistoj), aliĝintaj al la Pakto por la Esperanta Civito, daŭre laboras per propraj fortoj, kaj partoprenas en la organizado de la 5a Afrika Esperantologia Semajno, altiranta intelektajn aktivulojn ankaŭ el Kongolando.
