HeKo 560 4-C, 18 jun 14
La paktintaj establoj rajtas registri siajn blazonojn, laŭ la artikolo 7 paragrafo 4 de la Konstitucio. Ĝis nun faris tion nur kvar paktintoj, nome: AEU, ENa, KCE, LF-koop.
HeKo 560 3-C, 17 jun 14
Kliento de Fondumo Pro Esperanto proponas plentempan laborpostenon kiel privatan asistantinon por projekto de hotela entrepreno en germanlingvaj lokoj.
La longa diatribo inter s-ro László Szilvási kaj Hungaria Esperanto-Asocio pri pretendata kredito de la unua ĉe la dua jam atingis solvon negativan por Szilvási: laŭ propono de d-ro Gábor Márkus (HEA-komitatano ĉe UEA) HEA neniam pagos la koncernatan sumon.
HeKo 560 2-C, 16 jun 14
Fondumo Pro Esperanto serĉas novan kontiston, por anstataŭi la nunan, kies ofico ĉesos fine de 2014.
Estas tri bazaj postuloj: a) honesta kompetento pri librotenado; b) scipovo de almenaŭ unu el la tri oficialaj svisaj lingvoj; c) posedo de la esperanta civitaneco.
Loĝloko: kie ajn, sed prefere en Eŭropo.
La kovrilo de “Literatura Foiro” n-ro 269 (junio 2015) estas dediĉita al la ĉefverko de Isabel Allende, “La domo de la spiritoj”, kie esperanto ludas rolon de grava rekvizito. La koncernajn fragmentojn tradukis Giorgio Silfer, eseon pri la libro verkis nova LF-kunlaborantino, Martina Martinez Tuya de Minaya.
HeKo 559 3-C, 2 jun 14
