HeKo 449 8-C, 15 aug 10
La Kapitulo de la Esperanta Civito kunsidis ĉi-semajnfine ĉe la Esperanto-Domo en Svislando, sub la prezido de la nuna Konsulo, sen. Giorgio Silfer. Partoprenis ĉiuj vickonsuloj, escepte de sen. Chamberline Nguefack, pro vizorifuzo fare de la francaj aŭtoritatoj, al kiuj ŝi sin turnis por la Ŝengena permeso.
HeKo 449 6-C, 12 aug 10
Kiel partoprenonto en la venontjara Monda Socia Forumo en Dakaro, la Esperanta Civito estas invitita al telematika konsulto pri la dek unu ĉapitroj en la foruma temaro. La konsulto celas enfokusigi la temaron mem, laŭ metodo inaŭgurita en 2006, sed ĝis hodiaŭ ne tiel sisteme aplikita.
HeKo 449 5-C, 11 aug 10
La procedo ekinta en Bruselo antaŭ du jaroj atingos la finon venontsemajne laŭ la konstitucie fiksita proceduro. Post la aprobo de la Senato, la Forumo estas vokita por ratifi la unuan amendon al la Konstitucio de la Esperanta Civito.
La organizantoj de la internacia porpaca mezorienta konferenco en Hajfo (Israelo) invitis la Esperantan PEN reprezenti niajn verkistojn, sed eĉ pli: d-ro Giorgio Silfer estas specife invitita por prelegi pri la originala esperanto-literaturo kaj esperanto kiel kulturlingvo.
HeKo 449 4-C, 10 aug 10
La dekduan datrevenon de la Pakto por la Esperanta Civito ni volas honori ne per parolado, sed per muziko kaj poezio.
HeKo 449 3-C, 9 aug 10
Esperanto-verkistoj estas invititaj de PEN-Klubo internacia al porpaca mezorienta konferenco en Hajfo (Israelo), 1-4 decembro 2010. La konferencon organizas la magistrato de Hajfo, kunlabore kun la Pac-Komitato de PEN kaj helpe de la franclingva monda komunumo.
La somera testosesio organizita de Tietti-Instituto pri Esperanto en Togolando, komisie de Kultura Centro Esperantista, bone disvolviĝis en Lomeo ĉe la privata lernejo Institut Zamenhof, 28-30 julio 2010.
S-ino Miriam Altemani, el Italio, instruas gimnastikon kaj trejnas sportistinojn de pli ol tridek jaroj. Intervjuo de c-ano Giorgio Silfer en “Femina” diskonigis ŝiajn spertojn kaj kompetenton. Post kelkaj tagoj en Ĉaŭdefono unuafoje ŝi proponos kurson de milda gimnastiko en esperanto.
Komunikante al la Komitato sian pli fruan, publikan plendon pri Universala Esperanto-Asocio, s-ro Peter Baláz, gvidanto de Esperanto@Interreto, formaligis sian malkontenton kontraŭ Roterdamo. Jen la esenca parto de lia komuniko:
La universitato “Paul Sabatier” en Tuluzo subite rifuzis al la organizantoj (la franca sekcio de TEJO) okazigi FESTOn en siaj lokaloj. La kialoj de tiu bojkoto ne estas diskonigitaj. Danke al la kunlaboro de Eurokka kaj Vinilkosmo FESTO tamen okazos en apuda loko.
La numero 2159 de “Heroldo de Esperanto” estas jam survoje al la abonantoj. Interalie, ĝi estas la 150a aperinta ekde kiam Stano Marĉek memvole forlasis la redakcion de la plej ofta esperanto-gazeto (kiu lanĉis lin kiel redaktoron), laboronte por asocio kiu ĵus senkompate anoncis lian maldungon. La numero estas dediĉita al la Universala Kongreso ĵus finita en Havano.
