Heroldo Komunikas | Heroldo Komunikas

Zamenhofa jubileo koincide kun parlamenta inaŭguro

HeKo 640 4-C, 9 apr 17

La unuaj Civitaj senatanoj atingis Ĉaŭdefonon, kie ili tranoktas ĉe la Esperanto-Domo, atendante la inaŭguron de la nova parlamenta mandato 2017-21. La plejmulto alvenos 12 aprilo 2017, tagon antaŭ la parlamenta sesio: inter ili, la eliranta Konsulo, Marie-France Conde Rey, kiu prezidos la unuan seancon, en la urbodomo de Loklo. La Esperanto-Domo estos plene okupita.

Fokuso pri antisemitismo la 14an de Aprilo

HeKo 640 3-B, 8 apr 17

Komisiite de Kultura Centro Esperantista kiel organizanto de la evento, c-ano Giorgio Silfer festparolados 14 aprilo 2017 matene en Ĉaŭdefono, okaze de la Tago de Ĉiuj Pioniroj, ĉi-jare koincida kun la centa datreveno de la forpaso de Lazaro Ludoviko Zamenhof. Tial li anoncis ke li dediĉos specifan atenton al la antisemitismo en la historio de la esperanta popolo.

La Konsilio de Pro Esperanto kunvenos pri la konstruoj

HeKo 640 2-C, 7 apr 17

La Fonduma Konsilio de Pro Esperanto kunvenos post kelkaj tagoj en Ĉaŭdefono, por fari la punkton pri la situacio de la diversaj nemoveblaĵoj administrataj kiel regio en Svislando kaj Hispanio (sume ok apartamentoj), plus la sidejoj de la legacioj en Bruselo, Budapeŝto kaj Stokholmo.

Unua numero de Heroldo eldonita de Lexus

HeKo 640 1-B, 6 apr 17

Post trimonata atendo aperas la unua numero de “Heroldo de Esperanto” en 2017, unua produktita de sociala grupo Lexus en Brazilo, sub la direkto de Fabrício Valle. Tiu ĉi numero estas 12-paĝa.

Naa vostofrapo kontraŭ la sendependeco de TEJO

HeKo 639 9-A, 4 apr 17

“Pro intereso mi ĵus kontrolis ĉe la Komerca Ĉambro kaj eksciis, ke la statuto de TEJO ne estas registrita tie, sed TEJO estas asocio kun limigitaj juraj rajtoj same kiel antaŭe” publike anoncis s-ro Osmo Buller, ne plu salajrata direktoro, sed eble jam pensie regalata inkvizitoro.

TEJO eksigas kvin komitatanojn

HeKo 639 8-A, 3 apr 17

En decembro 2016 la Komitato de Tutmonda Esperantista Junulara Organizo aprobis amendon en sia ĝenerala reglamento, laŭ kiu la komitatano estas aŭtomate eksigita, se li/ŝi ne partoprenas tri sinsekvajn voĉdonojn.

La tagordoj de la Senataj sesioj 2017 en Loklo

HeKo 639 7-C, 2 apr 17

La Senato kunvenonta en Loklo, 13 apr 17, tuj post la Forumo, artikiĝos en du malsamaj, kvankam sinsekvaj sesioj. Tio donas la ŝancon diskuti ankaŭ pri reenskribita leĝpropono, kio eblas nur ekde la dua sesio, laŭ la senata reglamento.

La tagordo de la Foruma sesio en Loklo

HeKo 639 6-C, 2 apr 17

Sen. Marie-France Conde Rey prezidos lastfoje la Forumon de la Esperanta Civito, kunvokita al Loklo por 13 aprilo 2017. La asembleo de la paktintaj establoj diskutos, post la inaŭgura alparolo de la eliranta Konsulo kaj la oracio omaĝe al la forpasinta forumano Nico Grisaﬁ, diversajn gravajn temojn.

La Blanka grupo pledas por Konstitucia amendo

HeKo 639 5-C, 1 apr 17

Konforme al sia programo okaze de la lastaj elektoj al la Senato, la Blanka grupo ekpaŝas por la amendo de la artikolo 17 de la Konstitucio, per formala peto de la grupestrino, sen. Anna Bartek, al la Konsulo por ke ŝi entagordigu konsultiĝon pri la temo okaze de la baldaŭa senata sesio en Loklo.

Landa Fremdlingva Biblioteko en Budapesto informas

HeKo 639 4-B, 31 mar 17

Fajszi Amika Rondo transdonas la suban cirkuleron:

Karaj esperantistoj, karaj kolegoj,

Kun doloranta koro hodiaŭ mi forlasas la Landan Fremdlingvan Bibliotekon. Sur nova teritorio mi plu portos fruktojn per mia scio (ne estas esperanto-teritorio), laŭ miaj esperoj sukcese.

Mi dankas ĉiujn pro la multjara kunlaboro kaj pro multe da rememoroj.

Europo de traktato sen teksto al politika spagato

HeKo 639 3-E, 30 mar 17

La ĉefministro de Britio elektis la ﬁnon de marto, koincide kun la 60a datreveno de la Traktato de Romo, por liveri la “demisian leteron” de la plej gravaj insulanoj el la kontinenta Eŭropa Unio. Tial mi ekmemoris pri interesa historia anekdoto, kiun mi aŭdis el la buŝo de eksministro Giulio Andreotti dum renkonto en Milano, ankoraŭ en la pasinta jarcento.

LF 286, aprilo 2017, kun Karinthy kovrile

HeKo 639 2-B, 28 mar 17

“Literatura Foiro” daŭrigas la esplorojn pri la aŭtoroj en kies verkoj aŭ eĉ vivo rolis esperant(ist)o. Ĉi-jare, post Bulgakov, jen la vico de Frigyes Karinthy, eminenta esperantano, kiu interalie inspiris nian Sándor Szathmári. Giorgio Silfer dediĉas al ĝi eseon, apud traduko de grava specimeno.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.