HeKo 864 7-C, 18 feb 25
La 21an de februaro oni festas la Internacian Tagon de la Denaska Lingvo, proklamitan de Unesko en 1999. Ĉi tiu tago estas dediĉita al la promociado de lingva diverseco kaj al la protekto de la denaskaj lingvoj, havante siajn radikojn en la tumultoj de la 21a de februaro 1952 en Dako, tiama Orienta Pakistano (nun Bangladeŝo).
HeKo 864 6-C, 17 feb 25
Pro Esperanto estas fondumo celanta la ekspansion de la esperantlingva komunumo en la sektoroj sociala, konstrua kaj financa. Ĝi helpas por la aĉeto, luado, flegado de nemoveblaĵoj kadre de la Pakto por la Esperanta Civito.
La Estraro de Tutmonda Esperantista Junulara Organizo ĵus decidis eksoficigi la prezidanton, Michal Matúšov (KuboF Hromoslav), elektitan dum la lasta kongreso antaŭ sep monatoj, kaj marĝenigi lin al alia estrara posteno. La nova prezidanto estus Lucía Monserrat Fernández Barrera, katalunino.
HeKo 864 4-C, 14 feb 25
La Konsulino, sen. Lorena Bellotti, kunvokis al interna telematika konsultiĝo la ĵus formitan Kapitulon, por bone prepari la parlamentan sesion en Malago, kiu estos vokita ratifi ĉiun nomumon.
Grava akcidento senmovigis la ĉefan organizanton de la 7a Danuba Esperanto-Rendevuo en Razgrado, junie 2025, c-inon Dimitrinka Kateva. Tial la Esperantista Domo de Kulturo estas devigita rezigni pri la aranĝo, almenaŭ ĉi-jare.
HeKo 864 2-C, 12 feb 25
La kongresa buroo de la Esperanta Civito altiras la atenton al la fakto ke, ekde 1 januaro 2025, validas Loi fédérale sur l’interdiction de se dissimuler le visage (LIDV) nome leĝo pri malpermeso kaŝi la vizaĝon. Tiu leĝo specife trafas turismon, inkluzive de kultura kaj kongresa sektoroj.
Ses tre interesaj prelegoj vervigos la 11an Lingvan Kolokvon de Kultura Centro Esperantista (1-4 majo 2025) en Ĉaŭdefono, dediĉitan al terminologio, kadre de la konstanta ĉeftemo “Vivanta lingvo de vivanta komunumo”.
Nieuwe Binnenweg 176 estas misŝanca adreso, precipe se oni konsideras la rilatojn inter sensalajraj gvidantoj kaj (sub)salajratoj.
Mag. Giacomo Comincini, mag. Alessio Giordano, prof-ino Ilona Koutny, d-ino Perla Martinelli kaj prof. Giorgio Silfer kontribuos prelege al la 11a Lingva Kolokvo de Kultura Centro Esperantista, 1-4 majo 2025 en Ĉaŭdefono, pri terminologio.
“De la antikva reĝimo ĝis la raŭma revolucio” estas la titolo de la intervjuo al la nova Konsulino de la Esperanta Civito, d-ino Lorena Bellotti, frunte en la unua paĝo de la januara “Heroldo de Esperanto” en 2025. La intervjuon kompletigas vasta biogramo, el kiu oni deduktas ke sen. Bellotti estas escepta persono: poliglota instruisto kaj manaĝero.
La naturamika domo de Los-Anĝeleso estis parte detruita de la incendio en Eaton. Sin savis la barako, la gardistejo kaj la bierĝardeno, sed la historia, duetaĝa renkontejo forbrulis ĝisgrunde.
La kaliforniaj naturamikoj jam laboras por rekonstrui kaj dankas pro la solidareco el Eŭropo, inkluzive de tiu el Esperanta Naturamikaro.
(GIAN)
Ĵus konkludiĝis reta kunveno de la junulara komitato de PEN Internacia, kiu arigis ĉirkaŭ tridek delegitojn el diversaj PEN-centroj de Afriko, Eŭropo kaj Proksima Azio. La Esperanta PEN estis reprezentata de Alessio Giordano, 27-jaraĝa eseisto kaj vicĉefredaktoro de Literatura Foiro.
