Michael Boris Mandirola, prezidanto de Tutmonda Esperantista Junulara Organizo, akuzas Universalan Esperanto-Asocion pro malrespekto de la kunlabora kontrakto inter la du establoj, jam jure sendependaj, sed en hibrida situacio el organiza vidpunkto.

La itala traduko de “Albaniva kaj ŝiaj sep nanoj” debutis hodiaŭ en Milano, per la voĉo de la aŭtoro, c-ano Giorgio Silfer, kaj la desegnoj de Alda Vercesi. La spektaklo estis tuj replikita ankaŭ en esperanto, antaŭ la sama publiko, kiu parte konsistis el ne esperantistoj. Organizis Itala Interlingvistika Centro kaj Milana Esperanto-Klubo, kiu gastigis la prezenton.

Laŭ ĝenerala peto de la ĉeestantoj, post la unuhora prezento dum la “Somera Universitato” de Baltiaj Esperanto-Tagoj, plia horo estis rezervita al la temo “La brita secesio: kiaj sekvoj por la lingva reĝimo en Eŭropa Unio?”, traktata de prof. Giorgio Silfer, Vickonsulo de la Esperanta Civito.

Estis plejparte dediĉita al la hebrea demando, nome al la rolo de Lazaro Ludoviko Zamenhof en ĉiuj tri eblaj solvoj, ĝis la kvara de li proponita, la hodiaŭa seminario pri homaranismo, organizita de la Norda Legacio de la Esperanta Civito kadre de la 53aj Baltiaj Esperanto-Tagoj en Liepajo (Latvio), kunlabore kun Scienca Instituto Zamenhof.

En urbo Liepajo naskiĝis kelkaj el la plej eminentaj latvaj esperantistoj. Sufiĉas mencii Erneston Drezen, ĉefan gvidinton de la soveta Esperantio kaj gravan esperantologon; aŭ Eduardon Jaunvalks , aŭtoron de la plej gravaj lernolibro kaj vortaro por latvoj; aŭ muzikistinon Austran Pumpure, forpasintan komence de ĉi tiu jaro.

La librofako de LF-koop komencas ĉi-monate la enpaĝigon de la nova eldono de “Paŝoj al plena posedo”, la klasika lernolibro por progresantoj, verkita de William Auld.

Feminisma Esperanta Movado renovigos sian Komitaton, okaze de la ordinara Asembleo en la Esperanto-Domo de Svislando (proprieto de Kultura Centro Esperantista en Ĉaŭdefono), 13 julio 2017, ekde 16h30.

La politikistoj pasas, la burokratoj restas — almenaŭ ĝis sia pensia aĝo. Tial hodiaŭ preskaŭ neniu memoras la nomojn de la UEA-prezidintoj (post Lapenna kaj Tonkin), dum multaj scias kiel nomiĝas la lasta ĝenerala direktoro de Universala Esperanto-Asocio. Kaj dum neniu sin demandas kion faras nuntempe prof.

Nome de Komitato Armand (pri esperantistoj en prizono) la Vickonsulo de la Esperanta Civito petis enskribi la kazon Bogatov en la tagordo de la venonta ordinara kunveno de la Kapitulo, kunvokita al Ĉaŭdefono, 12 julio 2017.

Por la jaro 2016 Kultura Centro Esperantista pagis kolektivan abonon al la gazeto “Heroldo de Esperanto”, tiam eldonata de LF-koop. Kontraŭ tiu pago KCE regule ricevis ducenton da ekzempleroj de ĉiu el la dek sep akurate aperintaj numeroj. La numeroj enhavis informan rubrikon pri KCE kaj estis dissendataj al nia klientaro rekte de LF-koop, je la kosto de la eldonejo.

Densa monato por Kultura Centro Esperantista estos julio 2017: paralele al tri semajnaj aranĝoj okazos pluraj renkontoj kaj asembleoj.