“Mi ne kredas, ke iu ajn laborgrupo kapablus eltrovi solvon por la financa krizo, en kiu UEA nun troviĝas. Tute fantazie estas kredi, ke ĝi scius fari tion en tri monatoj kaj eĉ pli fantazie, ke tio eblus dum semajnfino en Roterdamo” ĵus konfirmis s-ro Osmo Buller per publika deklaro.

La prestiĝa Erasma Societo en Malago invitis c-anon Giorgio Silfer inaŭguri la novan akademian jaron per prelego ĉe la kultura aŭlo de Cajamar, en la plej centra avenuo de la andaluza marurbo, 18 septembro 2018. Enkondukos la prezidanto de la societo, prof. Quintín Calle Carabias. Kunlaboras Esperanta Naturamikaro.

Kooperativo de Literatura Foiro reaktivigis sian muzikan fakon ĉi-somere, relanĉante la plej famajn kompaktajn diskojn de Amplifiki kaj Anjo Amika.

La redaktoroj de “Literatura Foiro” havis sian monatan kunsidon hieraŭ vespere, kun la partopreno de la tuta redakcio: Zlatoje Martinov (ĉefredaktoro), Perla Martinelli (asista redaktoro kaj feminaj paĝoj), Marie-France Conde Rey (kino), Giorgio Silfer (teatro), Carlo Minnaja (recenzoj) kaj Fernando Pita (planlingvistiko).

Laŭ la anonima komitatano Z en “La Ondo de Esperanto” (julio 2004), “siatempe Wandel faris ĝenerale aprezitan laboron kiel estrarano pri faka agado, sed al Michela Lipari sufiĉis nur plori antaŭ la Komitato en Montpeliero [UK de 1998] por forpuŝi lin el la Estraro.

Valoraj kaj famaj prelegontoj estas anoncitaj por la 5^a Lingva Kolokvo de KCE, 11-14 aprilo 2019 ĉe la Esperanto-Domo en Svislando. La ĉeftemo paŭsas la titolon “Aliroj al esperanto” de la lasta kajero “Esperantologio”, redaktita de Christer Kiselman.

Jen la provizora programo:Javier Alcalde pri “Pacifisma aliro al esperanto”;

La Lingva Komitato de Esperantio, konsistanta el dek unu esperantologoj kiuj havas la esperantan civitanecon, estas esploranta demandon formulitan de la Civila Esperanta Servo, kiu estas difinanta siajn rangojn kaj simbolojn.
La demando koncernas la terminon por indiki specifan rangon en la triŝtupa hierarkio de la civilservantoj. La respondo estas atendata ĝis 15 septembro 2018.

C-ino Manuela Blanco komencis hodiaŭ dusemajnan restadon en Svedio, por plenumi mision ĉe la Norda Legacio de la Esperanta Civito. Temas pri ŝia dua eksterlanda misio kadre de la Civila Esperanta Servo.

Specifa koincido de nombroj en Budapeŝto, 20 septembro 2018: la 49a literatura kafejo estos dediĉita al la 49a jarkolekto de la revuo “Literatura Foiro”.
Ĉi-foje la gastoj estos la legantaro mem: Anjo Amika kaj aliaj abonantoj dialogos pri la kvar numeroj de LF eldonitaj ĉi-jare. Eblos sekvi la debaton per skajpo, ekde 18h15.

Akurate kiel ĉiam, “Heroldo de Esperanto” (ekde 2018 posedata kaj eldonata de Kultura Centro Esperantista) atingis la naŭan numeron (septembro, 2288) kaj estas presata.
La numero estas parte dediĉita al la Universala Kongreso en Lisbono kaj al la Internacia Junulara Kongreso en Badajozo. Nature ĝi informas ankaŭ pri la ĵusa aktiveco de KCE.