TEJO fariĝis junulara sekcio de UEA meze de la 1950aj, kaj dum deko da jaroj ĝi progresis kiel “UEA en mallonga pantalono”, fortigante sian strukturon, multigante siajn sekciojn, ekspansiante kongrese, kreante novajn servojn (unuavice la revuon “Kontakto”). La bildo, ĝenerale pozitiva (ja kial malamiki al gejunuloj?), suferis pro generacia konflikto ekde la 1970aj.
HeKo 749 6-C, 7 dec 20
La Kapitulo de la Esperanta Civito entagordigis kazon de antisemitismo (laŭ la difino de Wilhelm Marr, 1873), per teksto aperinta en grava esperantista periodaĵo. La periodaĵo ne rilatas al la Pakto, sed en la kazo estas profunde envolvita ankaŭ persono kiu havas la esperantan civitanecon.
HeKo 749 5-C, 5 dec 20
Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari donacon aŭ legacon. La nuna analizo aperas multe post la antaŭa, pro la stazo kaŭzita de la pandemio.
La 15an de decembro 2020, honore al la Tago de la Esperanta Kulturo kaj al la datreveno de Lazaro Ludoviko Zamenhof, en la naturamika Esperanto-Domo de Malago (Andaluzio) eblos trapasi lingvotestojn por la niveloj B kaj C de esperanto, konforme al LTSEC.
HeKo 749 3-C, 3 dec 20
Jara kontrolo pri la Civitana Registro okazas dum ĉi tiuj tagoj, sub la respondeco de la vickonsulo pri internaj aferoj, sen. Miroslava Kirova, kun la kontrolo de la reprezentanto de la politika opozicio, sen. Anna Bartek, kaj la praktika realigo fare de la matrikulisto, sen. Manuela Blanco.
Gaja abeleto, inspirita de la ĉaŭdefona blazono, invitas al Kultura Esperanto-Festivalo, okazonta en la svisa horloĝarta ĉefurbo 10-15 aŭgusto 2022. La maroton de la 11a KEF elektis hodiaŭ la organiza teamo, laŭ propono de c-ino Perla Martinelli. Ĝi emblemas la aranĝon en la FB-paĝo, ĵus kreita de alia teamano, c-ano Alessio Giordano.
HeKo 749 1-C, 30 nov 20
La Esperanta Civito malfermos en Buĵumburo sian Afrikan legacion, la unuan ekster Eŭropo. Ĝi situos en la Tanganika Esperanto-Domo, kiu povas enteni tridekon da studemuloj, kaj estos inaŭgurita per la 6a Afrika Esperantologia Semajno, 1-6 februaro 2021.
Naturfreunde Internationale havis ĉi-semajnfine sian kongreson, kiu fakte disvolviĝis nur kiel kelkhora telematika asembleo, tamen kun rezolucioj kaj efektiva debato. La kolektivan membron Esperantan Naturamikaron reprezentis nia delegito, c-ano Giorgio Silfer.
“UEA perdis (aŭ estas survoje al perdo [estas perdonta]) diversajn Fakajn Asociojn. Kelkfoje mankas mono, kelkfoje organizantoj kaj kelkfoje mankas ambaŭ. Speciale doloriga estas la perdo de Mondpaca Esperantista Movado. Temas pri ege tradicia, faka asocio. Ĝin multaj, pli aĝaj Esperantistoj memoras.
HeKo 748 7-C, 25 nov 20
En la Internacia Tago por la Elimino de Perforto kontraŭ Virino manifestiĝas la kruda vero de la nombroj: kie la aŭtoritatoj enkondukis trudizolon prevente al la nuna pandemio, tie multiĝis la kazoj de feminicido; kvazaŭ resti enfermita hejme favorus la krizon de la paroj kaj stimulus virojn al la mortigo de la partnerino.
Akurate kiel kutime, la numero 2315 de “Heroldo de Esperanto” survojas al la legantaro. Per ĉi tiu decembra numero kompletiĝas la jarkolekto 2020, koincida kun la centjariĝo de HdE: honore al la rodia jubileo, Kultura Centro Esperantista duobligis la paĝokvanton, reportante la gazeton al sia tradicio.
HeKo 748 5-C, 23 nov 20
D-ro Joel Batila (1946[2011]-2020) forpasis en Grenoblo (Francio) 7 novembro 2020 pro kardiopatio. Li esperantiĝis kadre de la kunlaboro inter la Esperanta Civito kaj la Kabinda Respubliko, kies unua kanceliero li estis post la promulgado de la konstitucio, en 2011. Dum 2012-16 li ankaŭ sidis en la Senato de la Esperanta Civito (Verda grupo), aktivante por la progreso de Afriko.
