Per HeKo 726 1-C, 14 jan 20 Komitato Armand (pri esperantistoj en prizono) informis pri krima evento en Kroatio.

Monda San-Organizo aperigis en sia oficiala retejo la esperanto-tradukon de sia kurso “Enkonduko al KOVIM-19: metodoj por detekto, prevento, reago kaj mastrumado”, almenaŭ en la skriba parto. La kurso fakte havas ankaŭ kvinminutan filmon, kiu tamen ne disponeblas en nia lingvo (nek en kelkaj gravaj kulturlingvoj, ekzemple la itala).

La Konsulo kunvokis la Kapitulon de la Esperanta Civito por merkredo 17 marto 2021, komunikante el Japanio densan tagordon.

Sen. Riichi Karibe intencas ekzameni la sekvojn de sia respondo al la interogacio pri deliktoj kontraŭ la esperanta flago. Tio kupliĝos al raporto de la vickonsulo pri internaj aferoj, kiu krome prezentos informon pri la estonta parlamenta sesio.

Laŭ c-ano Giorgio Silfer, kunaŭtoro de “Historio de la esperanta literaturo”, naciaj antologioj en esperanto estas relative multaj kaj ofte bonaj, sed preskaŭ mankas specifaj antologioj.

La aprila numero (310) de “Literatura Foiro” jam survojas al la abonantaro: la 64-paĝa dumonata revuo proponas ekde ĉi tiu jaro novajn rubrikojn, kun specifa atento pri la literaturoj en minoraj lingvoj kaj pri novaj ĝenroj, kiel komikso, kartuno, porinfana literaturo.

Komitatano Osmo Buller estas malkontenta pro la progresraporto de la Estraro de la Universala, ĵus komunikita al la gvida instanco de la Asocio: “Aperas nenio pri la nova retejo. Pasintjare Duncan [Charters, prezidanto] diris, ke ĝi estos lanĉita la 15-an de decembro. En septembro li diris, ke “ni havu la celon kompletigi la aferon en januaro, kaj plej malfrue en februaro”.

“[Jorge] Camacho [Cordon] min fizike agresis antaŭ tri jaroj en Madrido kaj la lezo kiun li faris al mia okulo estas permanenta, kvankam, bonŝance, malgrava, nur iom ĝena ĉe ĉiu palpebromovo” deklaris publike prof. d-ro Carlo Minnaja hodiaŭ. En 2018 la agresanto estis 52-jaraĝa kaj la agresato 78-jaraĝa.

La eksplodo de la pandemio, kun siaj stresoj ekonomie kaj psike, reportis al unua plano la ĉefajn problemojn de la femina kondiĉo en la mondo, nome la mankon de ekonomia egaleco kaj la fizikan perforton, kun multiĝo de feminicidoj kadre de trudizolo. Tio iom surfonigis la gravan momenton de “Mi ankaŭ”, ĝuste kiam eĉ en Esperantio seksa molestado fariĝis pli aktuala.

Ĉiu popolo kaj ĉiu kulturo en la historio sentis la bezonon adopti simbolojn por reprezenti siajn kredojn, sian fidon kaj siajn valorojn. Ŝlimigi tiajn simbolojn estas sinekdoke malrespekti la kulturon, kiu kreis ilin.

En nordeŭropa skandalisma retgazeto (kiu tamen neniam kritikas la alon de UEA favoran al burokratismo) ĵus aperis ĉi tiu duona konfeso de Osmo Buller, la tiama direktoro de la Universala: “En la maja numero de 2001 de “Esperanto” [oficiala organo de UEA] aperis funda analizo de Detlev Blanke pri la [Esperanta] Civito, kun la fina konkludo: “Kion ni bezonas, estas io tute alia ol bom

La marta numero de “Heroldo de Esperanto” (2318) dediĉas al Afriko multe pli da spaco ol kutime, inkluzive de frunta artikolo sur tri kolumnoj el kvin. Memkompreneble, por la ekesto de la unua reala Esperanto-Domo en Afriko, kaj de la stabo ĉirkaŭ ĝi.

Sen. Anna Bartek, estro de la Blanka grupo, deklaras sin kontenta pro la respondo de la Konsulo (sen. Riichi Karibe) al la interogacio pri malrespekto kontraŭ la esperanto-flago (nome la flago de la Esperanta Civito). Aparte dankema ŝi estas pro la politika seriozeco de tiu respondo.