Kooperativo de Literatura Foiro ĝojas anonci ke la fama “Kurso de ĝenerala lingvistiko” de Ferdinand de Saussure estas distribuata ekde ĉi tiu monato. La surmerkatigo koncernas du tipojn de bindo: unu estas bele broŝurita, la alia lukse bindita (eĉ kun paĝmontrilo el kolora silko). La unua kostas 24,- svisajn frankojn, la dua kostas 39,- (tre limigita eldonkvanto por la dua).
La delegacio reprezentanta la esperanto-literaturon ĉe la PEN-mondkongreso en Upsalo, 27 septembro — 1 oktobro 2022, konsistos el Giorgio Silfer kaj Leif Nordenstorm: ĉi-lasta mem rezidas en la sveda urbo, dum c-ano Silfer estas kandidatigita de la Esperanta PEN kaj de la abonantaro de “Literatura Foiro” por la literatura Nobelo (post la forpasoj de William Auld kaj Marjorie Boulto
Estis majo 1999. Estro de la sektoro pri eksteraj rilatoj, mi akompanis la prezidanton de la Parlamento de Lombardio al Kardifo, por la inaŭguro de la unua Parlamento de Kimrio.
Kooperativo de Literatura Foiro ne intencas altigi la internacian abontarifon por la fama kultura revuo “Literatura Foiro”: ĝi restos 56,- svisaj frankoj, por ses numeroj jare po 64 paĝoj, akurate aperontaj.
La ukrajna parlamento en Kievo rapide aprobis antaŭ la somero 2022 leĝojn kiuj malpermesas la importadon de libroj kaj eldonaj produktoj el Rusio, Belorusio kaj “dumtempe okupitaj teritorioj”, kaj de ĉiuj volumoj en la rusa el ajna lando. Jam pli frue ekzistis normoj kontraŭ la uzo de minoritataj lingvoj.
“Ĉilio estas jurŝtato sociala kaj demokratia. Ĝi estas plurnacia, interkultura, regiona kaj ekologia”. Tiel tekstas la unua artikolo de la nova Konstitucio de Ĉilio, submetita hodiaŭ al referendumo. En la ĉarto enestas novaj sociaj rajtoj por virinoj, indiĝenaj popoloj, naturo kaj bestoj. Perfekte.
“Je la 4a de junio 2022 la membraro de Sennacieca Asocio Tutmonda konsistis el 402 membroj, el kiuj 202 repagis sian kotizon por 2022, kaj 163 pliaj pagis minimume por 2021. Kompare kun la lasta jaro, la manko de kvardeko da akurataj kotizpagoj eble ŝuldiĝas al la malfruo en la aperritmo de Sennaciulo” deklaras la oficiala raporto de la Laborista al la ĵusa (nur virtuala) kongreso.
La 300-paĝa “Kurso de ĝenerala lingvistiko” de Ferdinand de Saussure estos premiere prezentata en Rozoj (Costa Brava) okaze de la unua Naturamika Kultursemajno en Esperanto, 3-9 aoktobro 2022.
Financaj krizoj (en la Universala dum la lastaj jaroj, en la Junulara ĉi-jare) kondukis al la malapero de la stabo en UEA/TEJO: krom eraro, rezistos nur la direktoro, kiu eĉ ne loĝas en Roterdamo. Entute, ekde Novjartago 2023 nur unu el dek tri (ok de UEA, kvin de TEJO), inter dungitoj (partaj kaj plenaj) kompare kun la 2010aj jaroj.
HeKo 794 1-C, 31 aug 22
La Kapitulo de la Esperanta Civito kunsidis hodiaŭ telematike, sub la prezido de la Konsulo, sen. Riichi Karibe. Ĝi pritraktis la geopolitikan situacion en la mondo, kiun simplaj homoj observas kun kreskanta pesimismo. Tiu pesimismo paralelas rilate la evoluon de la malnova Esperantio.
Tri temoj dividas la Universalan: la vendo de Nieuwe Binnenweg 176, la kunvoko de Universala Kongreso al Afriko, la sinteno pri la milito en Ukrajno. Se konsideri la vastan plejmulton kiu en la Komitato aprobis la vendon, kaj la fakton ke nur uranistoj kritikas la eventualan elekton pri Tanzanio, temas pri marĝena opozicio, aŭ taktike misorganizita, kvankam brua.
La Komitato de Tutmonda Esperantista Junulara Organizo prokrastis la aprobon de longeta strategia dokumento, nomata “Lingvopolitikaj Pozicioj”, kiu devus anstataŭi analogan dokumenton aprobitan en 2011.
