HeKo 413 2-C, 19 dec 09
La UN-konferenco pri la klimato, ĵus finita en Kopenhago, kontribuis al la lukto kontraŭ la varmiĝo de la terglobo precipe tial ke ĝi frostigis la esperojn de la ekologiistoj, inkluzive de la aktivantaj en la esperanta popolo. Sed se la konkretaj rezultoj estas elrevigaj, la konferenco ŝajnas grava pro aliaj geopolitikaj konsideroj.
Kultura Centro Esperantista, “institutional affiliate” de la Asocio de LingvoTestistoj en Eŭropo, anoncas du baldaŭajn lingvotestajn sesiojn konforme al direktivo Muhlemann (LingvoTesta Sistemo de la Esperanta Civito).
En Eŭropo (ne nur en la Unio) kreskas la atento pri lingvoj kaj lingvotestado, precipe en rilato kun la enmigrintoj, al kiuj pli kaj pli turniĝas la zorgoj de la fremdlingva instruado. Intertempe evoluas ankaŭ la pozicio de esperanto en tiu kampo.
La unua kajero de “Homarane” larĝe preterpasos la planitan paĝokvanton. Tio, kaj ioma malfruo en la kolekto kaj finredakto de la aktoj de la unua Simpozio pri Homaranismo, kaŭzis ke tiu kajero estos prezentita al la publiko nur fine de januaro 2010. Interalie oni evitos ke la unua numero, se datita en 2009, atingu la mendintojn en la posta jaro…
La revuo “Femina” brile kaj akurate finis sian kvinan jarkolekton, servante al sia kreskanta publiko menuon el frandindaj paĝoj pri la rilatoj inter korpo kaj menso, en la ĵus aperinta numero 20.
La portalo de Google, agordebla al cento da lingvoj inkluzive de esperanto, honoris la jubilean datrevenon de Lazaro Ludoviko Zamenhof. La kompanio aldonis la flagon de Esperantio ĉe la vorto “Google”: klakante sur ĝi, la leganto trovas liston de la Zamenhof-mencioj en la koncerna (ŝtat)lingvo. La honoro daŭros tutan diurnon.
HeKo 412 5-C, 15 dec 09
La Tago de la Esperanta Kulturo, unu el la kvar oficialaj festotagoj de la Esperanta Civito, en 2009 koincidas kun la Zamenhofa jubileo, sed ankaŭ kun gravaj eventoj el geopolitika vidpunkto, interalie la konferenco de Kopenhago pri la terklimato.
Je la 10a de decembro 2009, dum la zamenhofa semajno, la esperantistoj el urbo Razgrad (Bulgario) solene festis la 25-jariĝon de la Esperantista Domo de Kulturo “D-ro Ivan Kirĉev”.
HeKo 412 3-C, 9 dec 09
Pro bonŝanca koincido, okaze de la Zamenhofa Semajno la retejo de la Esperanta Civito certe atingos sian kvincentmilan viziton ekde la mezo de novembro 2006: entute tri jaroj kaj unu monato sufiĉis por atingi ĉi tiun rekordon; kaj laŭ la nuna kreskanta ritmo de vizitantoj (kiuj superas 20.000 monate) eblas ke nur pliaj du jaroj sufiĉos por atingi la milionon da vizitoj.
Hieraŭ komenciĝs la Zamenhofa Semajno en Vraco (Bulgario), dediĉita al la 150a naskiĝa datreveno de la Majstro kaj al la Tago de la Esperanta Kulturo.
En la regiona biblioteko, kiu samtage festis sian 55-jariĝon, estis oficiale inaŭgurita la esperantlingva angulo kun periodaĵoj kaj libroj en nia lingvo. La angulo situans en la fremdlingva salono de la biblioteko.
HeKo 412 1-C, 8 dec 09
Kara Fonduso Pro Esperanto,
Mi hodiaŭ ricevis pere de via eŭropa korespondantino momente en Buĵumburo la tutan sumon interkonsentitan en nia mikrokredita kontrakto. Mi dankegas la Civitan bankon kiu alpruntis al mi tiun monsumon, por ke mi startigu entreprenon por mia vivteno.
Svislando okupis la unuan paĝon de ĉiuj ĵurnaloj pasintsemajne, pro la rezulto de referendumo, per kiu la svisa popolo aldonis la konstruon de novaj minaretoj al kelkaj malpermesoj preskribitaj de la konfederacia konstitucio. La partopreno en la baloto estis rekorde alta, kaj la atingita plimulto (57%) neta. La malpermeso koncernas nur la minaretojn, ne la moskeojn.
