Akurate kiel ĉiam, “Heroldo de Esperanto” (ekde 2018 posedata kaj eldonata de Kultura Centro Esperantista) atingis la naŭan numeron (septembro, 2288) kaj estas presata.
La numero estas parte dediĉita al la Universala Kongreso en Lisbono kaj al la Internacia Junulara Kongreso en Badajozo. Nature ĝi informas ankaŭ pri la ĵusa aktiveco de KCE.

“Dankon pro la sendita kopio de la intervjuo al Giorgio Silfer en la slovaka priliteratura semajngazeto” skribis c-ano Vinko Oŝlak ricevinte la fotoreprodukton el la ĵusa numero de la bratislava “Literarny Tyzdenník”, kun longa intervjuo farita de Gustav Murín, slovaka verkisto.

Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari legacon aŭ donacon.

Kompletiĝas la listo de la partoprenontoj en la 5a Afrika Esperantologia Semajno, jarfine 2018 / novjare 2019 en Buĵumburo, ĉefurbo de Burundio.

Disvolviĝis dum la nuna Esperantologia Fakultato de KCE la lekcioj de Francisko Degoul, Perla Martinelli kaj Giorgio Silfer, kiuj rilatis al la zamenhofa ideologio, rekte aŭ nerekte.
Dum konkluda debato estis sugestite organizi en 2019 ĉe KCE homaranan laboratorion, post preparo per diskutlisto. La celo estas respondi al la demando: kio efektive estas/us homaranismo?

Ekde morgaŭ deko da studemuloj partoprenos en la semajna kursaro de la Esperantologia Fakultato ĉe Kultura Centro Esperantista. Esperantologio ne konas aĝlimojn: la aĝo de la estontaj esperantologoj varias inter 23 kaj 80 jaroj; iliaj ĉefaj eduklingvoj estas la bulgara, franca, hebrea, hungara, itala, kataluna aŭ rumana. Instruos Francisko Degoul, Perla Martinelli kaj Giorgio Silfer.

  Pli kaj pli da homoj anoncas publike ke ili ne plu aliĝos al Universala Esperanto-Asocio ekde la venonta jaro. Paralele, preskaŭ ĉiutage, homoj deziras akiri la esperantan civitanecon.

En Esperantio ekzistas kvar mikrosistemoj, reference al la kvar plej gravaj organizaj subjektoj: Universala Esperanto-Asocio, Tutmonda Esperantista Junulara Organizo, Sennacieca Asocio Tutmonda kaj la Esperanta Civito. La unuaj tri estas neregistaraj organizoj, dum la Civito funkcias kiel transnacia konsorcio strebanta esti subjekto de internacia juro.

Kongrue al la mesaĝo de la Konsulo okaze de la Tago de la Pakto, ekde ĉi tiu monato la materia kapitalo de la Esperanta Civito ricevas tri pliajn aktivulojn en Ĉaŭdefono.

La 10an de aŭgusto 1998 en Ĉaŭdefono estis subskribita la Pakto por la Esperanta Civito. El tiu akto fontis la konsorcio kiu kondukis al la promulgo de la Konstitucia Ĉarto la 2an de junio 2001. Dudek jarojn poste, en la Civita konsorcio ekzistas tri kapitaloj: spirita, materia kaj ekstera.