Por la unua fojo la Universala Deklaracio pri la Bestaj Rajtoj fariĝis oficiala dokumento en Esperantio. Danke al rezolucio proponita de gesenatanoj Elena Grisafi-Favre kaj Jarl Hammarberg (Verda grupo), aprobita de la Senato en Bruselo 25 julio 2008, la Esperanta Civito subtenas tiun Deklaracion.

Okaze de hieraŭa vizito de kelkaj gesenatanoj el diversaj politikaj grupoj ĉe la urba kremaciejo de Ĉaŭdefono, la Konsulo de la Esperanta Civito anoncis la firman intencon okazigi la 14an de aprilo 2009 la unuan solenan Memortagon pri niaj pioniroj, kun dediĉo de la unua urno en la Esperanta Panteono.

Dek personoj el kvin landoj (denaskaj lingvoj: esperanta, franca, germana, hispana, hungara, itala, pola) partoprenas en la du sesioj de la Esperantologia Fakultato, organizita de Kultura Centro Esperantista en Ĉaŭdefono, 7-11 kaj 13-17 aŭgusto 2008.

La verkistina komitato de PEN Internacia de multaj jaroj produktas propran periodaĵon en tri lingvoj (angla, franca, hispana): Network / Le Réseau / La Red. La nuna ĉefredaktorino estas Judith Buckrich, Aŭstralio.

Sekve de interna referendumo, la asembleo de Esperantlingva Verkista Asocio dum UK en Roterdamo decidis malfondi la asocion, kaj tuj fondi la Literaturan Akademion de Esperanto.

Hodiaŭ ekas la 81a SAT-Kongreso en Kazanlako, meze de la fama Roza Valo en Bulgario. Inter la anoncitaj 64 aliĝintoj  pli ol la duono venas el nur du landoj: Francio kaj Serbio; minimuma la partopreno el la kongreslando mem.

Asocio de Verduloj Esperantistoj (bedaŭrinde sen jura personeco) dissendis la suban komunikon, subskribe de Manfred Westermayer.

C-ano Giorgio Silfer prelegis pri la cenzuro en la esperanto-informado, okaze de la kongreso de Tutmonda Esperantista Ĵurnalista Asocio en Vilno, fine de majo 2008.

Probal Dasgupta en la unua paĝo de “Heroldo de Esperanto” 10:2008, la unua el la du numeroj dediĉitaj al la kongresa sezono (kaj kune ekspedotaj). La prezidanton de Universala Esperanto-Asocio intervjuis sen. Dieter Rooke, korespondanto de HdE en la roterdama UK. Aparte interesa estas lia respondo pri la rilatoj kun la Esperanta Civito.

La Komitato de Esperanto-Federacio de Niĝerio (dua landa asocio akceptita en la Pakton) kunvenos fine de aŭgusto en Owerri.

Ankaŭ esperanto situas inter la lingvoj de www.penpoemrelay.org, kiu ekde hieraŭ ne estas alirebla el Popola Ĉinio. La poemĉeno de PEN Internacia por la esprimlibero en Ĉinio enhavas 125 tradukojn al 98 lingvoj, de la samaj versoj, kvazaŭ poezia petskribo al la ĉinaj aŭtoritatoj, surbaze de la verko “Juni” ” de Shi Tao.

Hodiaŭ prof. d-ro Ilona Koutny vizitis la Esperanto-Domon de Ĉaŭdefono, okaze de libertempo en Svislando. Prof-ino Koutny interalie renkontis la prezidantinon de Kultura Centro Esperantista, sen. Perla Martinelli, kiu havis la okazon prezenti la aktivecon de KCE.