HeKo 798 3-C, 21 okt 22
Kadre de la delego ricevita de la Konsulo, la vickonsulo pri financoj nomumis hodiaŭ novan kvestoron, en la persono de sen. Miroslava Kirova, kies ofico estos konfirmebla fine de la nuna parlamenta mandato (komence de 2025), sendepende de eventuala ĉeso de la senataneco. La lasta oficiale nomumita kvestoro estis c-ino Mariola Jobin, jama forumano.
HeKo 798 2-C, 19 okt 22
La Konsulo proponis al la du grupestrinoj (sen. Lorena Bellotti, por la Verda majoritato, kaj sen. Anna Bartek, por la Blanka opozicio) kunvoki la venontan Senatan, kaj konsekvence parlamentan sesion al civito en Alta Italio, probable Piemonto, por la komenco de aŭgusto 2023.
HeKo 798 1-C, 17 okt 22
La Esperanta Civito elektis tute novan vojon por sia aktivularo: nek burokrataro instalita en unu centra oficejo nek ŝajna volontularo financata de Eŭropa Unio. Tiel formiĝis stabo pli kaj pli vasta, kiu ekbezonis precizan normaron.
Esplora Instituto de Esperantologio, ambicia projekto de telematika universitato kun semajno en Ĉaŭdefono fine de la semestro, eksperimentos du semajnajn kursojn dum somero 2023. La unua, pri ĝenerala lingvistiko, 17-22 julio; la dua, pri arkivistiko, 14-19 aŭgusto.
La Esperanto-Domo en Malago gastigis hodiaŭ la debuton de nova kantisto en nia lingvo: Angel Garcia del Rio, ĵus diplomita kiel B1 en Rozoj laŭ la lingvotesta sistemo de la Esperanta Civito. Dudeksesjara, naskita en Andaluzio, Angel havas voĉon tute taŭgan por la kanzonoj de Lluis Llach, kiun li interpretas ankaŭ en la kataluna originalo, akompanante sin per gitaro.
Esperanta Naturamikaro ne partoprenos en la ordinara jara Asembleo de Naturfreunde Internationale, okazanta ĉi-semajnfine en Alta Italio. La kialo estas simpla: la delegito, c-ano Giorgio Silfer, estas subite retenata en Hispanio post NAKSE, tial devis nuligi ĉiujn rendevuojn planitajn dum restado en Italio, inkluzive de la partopreno en la NFI-Asembleo.
HeKo 797 5-C, 11 okt 22
Sviso povas nomiĝi Habelo, sed ne Kaino. Tiu kaj aliaj foje strangaj malpermesoj situas en la Svisa Kodo, rilate onomastikon. Manke de specifa Civita normo, ili validus ankaŭ en la Esperanta Civito. Dum sia ordinara sesio en Rozoj, 7 oktobro 2022, la Senato forigis tiun efikon, per la unuanima aprobo de aldona amendo al Lex Valeria pri la familia juro.
HeKo 797 4-C, 10 okt 22
Dum la Senata sesio en Rozoj, 7 oktobro 2022, la vickonsulo pri financoj raportis pri demando de c-ano Carlo Minnaja, fakte frazo en raporto pri la ĉi-jara kongreso de Itala Esperanto-Federacio, kie kelkaj neregistaraj esperanto-organizoj salutis la kongreson, sed ne la Esperanta Civito. La Senato mallonge diskutis kaj rapide aprobis rekomendon al la Kapitulo.
HeKo 797 3-C, 9 okt 22
La direktivo pri Komuna Integrita Biblioteka kaj Arkiva Sistemo estis la ĉefa punkto en la tagordo de la Forumo kunvokita al Rozoj, 7 oktobro 2022. Laŭ propono de Itala Interlingvistika Centro kaj Fajszi Amika Rondo, la tekston prezentis c-ano Alessio Giordano.
Ege interesa seminario pri azilantoj, rifuĝintoj, ekzilitoj kaj ceteraj mislokitoj dum la lasta tago de NAKSE. Antaŭtagmeze prelegis advokato J. Antonio Esteban, kiu kunlaboras kun neregistaraj organizoj, kaj ekrilatis al Esperanta Naturamikaro okaze de samtema studotago en Malago. La publiko, unuavice la Civitaj stabanoj, ricevis kompletan klerigon pri la situacio en Hispanio.
Dum c-ano Antonio Vidal gvidis naturamikojn al tre ŝatata ekskurso, disvolviĝis gravaj asembleoj: la parlamenta sesio de la Esperanta Civito kaj la ordinara asembleo de Esperanta Naturamikaro. Pri la unua vi legos en aliaj raportoj, pri la dua en ĉi tiu HeKomuniko.
