La freŝe bindita unua represo de “Historio de la esperanta literaturo”, verkita de c-anoj Carlo Minnaja kaj Giorgio Silfer, estis prezentita hodiaŭ vespere ĉe Milana Esperanto-Klubo, kie unu el la aŭtoroj festis ankaŭ la oran jubileon de sia esperantismo.
La sola lingva ekzamenaro pri esperanto plene aplikanta la Komunan Eŭropan Framon de Referenco (do kun ses niveloj, kaj ne nur tri) baldaŭ antaŭvidos sepan diplomon, pri LSP -Language Special Purpose, tradukita al Lingve Specifa Praktiko.
Duobla surprizo inter la kvardek membroj de la nacia Komitato de la Itala Radikala Partio, elektita 1 novembro 2015 fare de la 14a landa kongreso, en Toskanio.
Kultura Centro Esperantista invitas al speciala “Verda vespero”, 20 novembro 2015 en la Esperanto-Domo de Svislando.
Esperanta Naturamikaro organizas intensivan esperanto-kurson por komencantoj (grado A) ĉe la Esperanto-Domo en Malago, ĉiutage 24-28 novembro 2015, 10h00-13h00. La instruisto, prof. Giorgio Silfer, uzas esperanton ekde la unua minuto, la gelernantoj kapablas paroleti en esperanto ekde la dua tago.
HeKo 584 4-C, 4 nov 15
La Konsulo de la Esperanta Civito, samtempe prezidanto de fondumo Pro Esperanto, subskribis hodiaŭ la lukontrakton por vasta oficejo en Bruselo, kie situos la Okcidenta Legacio de la Esperanta Civito.
C-ano Andrea Lago kaj c-ino Perla Martinelli estas konstruantaj la novan retejon de “Femina” kaj Feminisma Esperanta Movado, kies debuto estas planita por Tago de la Esperanta Kulturo 2015.
HeKo 584 2-C, 1 nov 15
HeKo 583 9-C, 29 okt 15
En dato 25 oktobro 2015 sen. Anna Bartek, de la Blanka grupo, interpelaciis pri la nuna strategio de la Kapitulo en Afriko.
La interpelacio estis ricevebla, konforme al la Senata reglamento, kaj respondinda de la kapitulano delegita por reprezenti la Esperantan Civiton ĉe la 6a Afrika Kongreso de Esperanto en Togolando, decembro 2015.
Post du semajnoj okazos la unua, ĝenerala ekspedo de la menditaj ekzempleroj de la “Historio de la esperanta literaturo”, ĵus represita kaj nun bindata, post la rapidega elĉerpiĝo de la unua eldono.
