Kun plezuro la 400an numeron de HeKo la redakcio dediĉas al la unua Simpozio de Homaranismo, okazanta en Ĉaŭdefono danke al la iniciato de Scienca Instituto Zamenhof kaj al la organizo de Kultura Centro Esperantista.

Hodiaŭ, fine de la brile sukcesinta semajno de la Esperantologia Fakultato, ĉe la Esperanto-Domo en Svislando, kvar kandidatoj trapasis la lingvotestan sesion organizitan de Kultura Centro Esperantista, laŭ la LingvoTesta Sistemo de la Esperanta Civito. Jen la rezultoj.

Andaluzia Esperanto-Unuiĝo (Hispanio) kaj Kultura Centro Esperantista (Svislando) organizas la unuan Andaluzan Esperantologian Semajnfinon, en Málaga, 14-15 novembro 2009. Ĝi estas alirebla por ĉiu persono kiu membras en AEU kaj por ĉiu persono kiu havas la esperantan civitanecon (je la dato 10 aŭgusto 2009).

“Abunda fonto. Memorlibro omaĝe al prof. István Szerdahelyi” aperis en Pollando per la redakto de Ilona Koutny. Al la pli ol 400-paĝa libro kontribuis kvindeko da aŭtoroj, el kiuj trideko estas hungaroj.

Ekde hieraŭ, dum tuta semajno, matene kaj posttagmeze, kvin diligentuloj partoprenas en la Esperantologia Fakultato ĉe Kultura Centro Esperantista. Iliaj eduklingvoj estas respektive franca, germana, kroata, pola.

Ĉu veras tio kion mi legas [en LibFol pri la kamerunia landa asocio]? Kial vi ne klakas sur la sekvan retadreson: /935 ? eble tio klarigos al vi kelkajn dubojn.

Multaj membroj de Sennacieca Asocio Tutmonda partoprenis la ĉi-jaran Universalan Kongreson. Eĉ plej verŝajne pli da SAT-anoj partoprenis UKon ol la SAT-kongreson mem en Milano, kiu okazis semajnon antaŭ UK [nur sesdeko da personoj en la oficiala kongresfoto].

Kio kondukis min al Grindelvaldo? Demandante al Kultura Centro Esperantista pri ĝiaj aranĝoj dum aŭgusto, mi eksciis ke je la unua semajno okazos Naturamika Semajno inter esperantistoj en Grindelvaldo. Ĉar min allogas la naturo, la ebleco promenadi, viziti la Alpojn kaj ankaŭ praktiki esperanton, tio decidigis min sperti ambaŭ flankojn: kaj la lingvo kaj la alpaj promenadoj.

Kiel antaŭvidite, la Universala Kongreso de Esperanto en 2011 okazos en Eŭropo. Tamen la urbo elektita de UEA ne estas Madrido, sed Kopenhago. La jeso al la mirinda Kopenhago sonas ankaŭ kiel bedaŭrinda rifuzo al la propono de la madrida magistrato.

Dum la lastaj jaroj la Naturamika Semajno organizata de Kultura Centro Esperantista en Grindelvaldo (Bernaj Alpoj) estis la sola konstanta iniciato en ĉi tiu kampo; des pli ke TANEF ne plu ekzistas kaj la periodaĵo “La migranto” ne plu aperas.

Estas registritaj almenaŭ kvin agresoj celantaj Esperantion, dum la Universala Kongreso en Bjalistoko: du kontraŭ la kongresejo, unu kontraŭ busoj de kongresanoj, unu kontraŭ la esperanto-centro, unu kontraŭ la monumento al Zamenhof. Neniu agresinto estas ĝis nun identigita.

Koincide kun la Tago de la Esperanta Kulturo, la Zamenhof-Tago 2009, Kooperativo de Literatura Foiro lanĉos novan periodaĵon: “HOMARANE — kajeroj pri filozofio kaj religio en esperanto”. Redaktoro: sen. Bertil Nilsson, Svedio; ankaŭ la teknika redaktoro loĝas en Svedio. La kajeroj estos tamen presitaj en sudeŭropa lando (probable Italio).