HeKo 435 8-C, 3 maj 10
Kongrue al la orientiĝoj esprimitaj dum la parlamenta sesio en Bruselo (julio 2008) kaj konforme al la konstituciaj povoj, hodiaŭ la Konsulo subskribis nome de la Esperanta Civito la Alvokon de la kampanjo por la starigo de parlamenta UN-asembleo.
HeKo 435 6-C, 1 maj 10
La Konsulo fermis hieraŭ la unuan senatokonsulton pri propono de ne parlamentano. La ideo de c-ano Carlos María el Brazilo transformiĝis al rezolucipropono, subskribita de sen. Felszeghy, Gonĉarov, Martinelli (Verda grupo) kaj Bartek (Blanka grupo).
Nenia mencio pri la ĵus fondita “Unuiĝo de Esperantistoj en la Tuta Afriko” legeblas en la lasta numero de “Esperanto en Afriko”, dissendita antaŭ du tagoj. Tamen la fondo de UETA estas grava novaĵo en aprilo 2010, sed verŝajne la Afrika komisiono de Universala Esperanto-Asocio (sub la respondeco de Jean Codjo, beninano loĝanta en Kanado) ne samopinias.
Neniu esperantologo kun la esperanta civitaneco kandidatis por la triona renovigo de la Akademio de Esperanto (eĉ unu el la elirantaj rezignis rekandidati, per iom polemika letero). Male, kandidatis la redaktoroj de la UEA-organo kaj de la socikultura revuo de TEJO, kaj la antaŭlasta redaktoro de la TEJO-organo; kompreneble ili ĉiuj estis elektitaj.
HeKo 435 3-C, 29 apr 10
David de Ugarte verkis tre interesan artikolon pri la Esperanta Civito, en “El Correo de Las Indias”. La Konsulo komentariis la artikolon kaj respondis al kelkaj demandoj, rekte en la kastilia. Vi trovas ĉi-sube la esperantan version.
La ĵurnalo de la Sankta Seĝo malaprobas la anoncon de Usono disvolvi “tre potencan” armilon, kapablan trafi celon dum unu horo kie ajn sur la planedo.
“Libera Folio” asertas:
1) rilatoj inter la teamo de Gbeglo Koffi kaj la Esperanta Civito ne plu estas idealaj.
2) La nova “tutafrika organizaĵo” neniel estas tutafrika, sed simple privata projekto de Gbeglo Koffi, antaŭ monato argumentis Oliver Mazodze, la delegito de UEA en Harare, Zimbabvo.
Oni devas reiri al la jaroj de Jaruzelski (1987) kaj de la Sestaga Milito (1967) por trovi pli malfacilan konjunkturon en la lando gastigonta Universalan Kongreson: tiam Pollando respektive Israelo, ĉi-jare Kubo.
HeKo 434 8-C, 26 apr 10
Neniu instanco de la Esperanta Civito havas problemon kun afrikaj establoj aliĝintaj al la Pakto, spite al la dezirpensado de la skandalgazetisto produktanta “Liberan Folion”. Kontraŭe, problemojn (kaj abundajn) kun afrikanoj havas la homo kies voĉtubo estas “Libera Folio” mem ekde 2003.
Hieraŭ la memortago de la armena genocido vidis ceremonion ankaŭ en Istanbulo. La unuan fojon turkoj rememoris pri la masakroj kontraŭ la armenoj dum 1915-17, rompante tabuon en lando kiu rifuzas la tezon de la genocido, spite al la pruvoj prezentitaj de la armena diasporo.
La kutima obsedito (en Madrido) kaj la kutima skandalgazetisto (en suda Svedio) ricevis plian dementon el Katalunio. Ili asertis ke Kataluna Esperanto-Asocio distanciĝas el la Esperanta Civito, sed tio ne eblas ĉar KEA neniam aliĝis al la Pakto.
