La internacian PEN-komitaton de la verkistoj por paco ne plu prezidas sloveno. Dum duona jarcento la Slovena PEN organizis la konferencon en Bledo, kie kunvenas ankaŭ la pac-komitato, kaj lastatempe eĉ la verkistina. Kvankam la renkontoj plu daŭros en Bledo, la komitaton prezidos franca verkisto, Emmanuel Pierrat, ĵus elektita fine de la mandato de Marjan Strojan.
Nicolino Rossi, sanmarina civitano loĝanta apud Napolo de jardekoj, hodiaŭ finas okdek jarojn.
Plurfoja premiito (kaj poste juĝanto) en la Belartaj Konkursoj de UEA kaj en aliaj konkursoj. Premio “La Verko de la Jaro 1980” pro la poemaro “Sur la vivopado”. Unua estro de la literatura rondo “La Patrolo” (1969-1974).
La ĉeftemo de la ĉi-jara Internacia Junulara Festivalo (Rimino, 18-22 aprilo) rilatas al sankteco. Enkonduke demandas Valentina Boldurescu: “Kiu povus paroli pri la temo?” Respondis tri kleruloj, kunlaborintoj de “Homarane”, kajero pri socio, filozofio kaj religio: Francisko Degoul, Vinko Oŝlak, Giorgio Silfer.
La prezidanto de Kultura Centro Esperantista, d-ino Perla Martinelli, konsultiĝis hodiaŭ en Milano pri la strategio de KCE ene de la Asocio de LingvoTestistoj Eŭropaj, kune kun la konstantaj delegitoj, d-ino Lorena Bellotti kaj d-ro Giorgio Silfer.
HeKo 704 4-C, 28 mar 19
C-ano Abasi Nshimirimana, delegito de Islama Esperanta Klubo ĉe la Forumo, ĵus demandis al la Konsulo pri la jena:
a) ĉu la gejunuloj, kiuj havas la esperantan civitanecon kaj ne atingis la 35an aĝjaron, devus aŭtomate esti individuaj membroj de Tutmonda Esperantista Junulara Organizo?
La Parlamento de Eŭropa Unio aprobis hieraŭ normaron pri kopirajto, kiu teorie ŝirmas eldonistojn kaj aŭtorojn kontraŭ la piratado fare de gigantoj de la virtualo: Google, Facebook ktp. La normo aplikiĝos ekde 2021 sur la tuta teritorio de EU (do probable ne Britio). Preskaŭ ĉiuj verduloj voĉdonis kontraŭ, sed praktike ĉiuj grupoj dividiĝis.
La abonantaro (unuavice la klientaro de Kultura Centro Esperantista) ricevos samtempe la februaran kaj la martan numerojn de “Heroldo de Esperanto”, nun dissendatajn. La monata informilo de KCE akumulis kelksemajnan malfruon, lige kun la intensa aktiveco de la redaktoroj. Tiu aktiveco trovas nun la atenton de la du novaj numeroj, 2293 kaj 2294.
La Komitato de Esperanta Naturamikaro prokrastis la Asembleon de la societo ĝis la 23a de majo 2019, vespere, en Salò (Italio). La prokrasto ebligas la partoprenon de pluraj eksterlandaj (nehispanaj) membroj de ENa.
Ĉiam tre akurate, “Literatura Foiro” atingis la duan numeron de sia 50a jarkolekto, la aprilan de 2019 (298). Mankas nur du numeroj ĝis la tricenta, kaj ene de du jaroj ĝi superos la solan rekordon kiu ankoraŭ mankas al LF kiel kultura revuo en esperanto: la nombro da eldonitaj numeroj (“Fonto” atingis 312).
“Ĉi tiu libreto, fakte longa eseo, originas el la bezono respondi al oftaj demandoj de PEN-membroj pri la esperanto-literaturo. Ĝi pretiĝis en la hispana, danke al la valora kunlaboro de María Elena Ruiz Cruz, kaj ĝi pretiĝas en aliaj lingvoj, danke al diversaj talentaj geamikoj.
En sia pli ol centdek-jara historio la Akademio de Esperanto neniam estis tiom snobata de beletraj verkistoj. Neniu membro de la Esperanta PEN sidas en ĝi, escepte de prof. Carlo Minnaja, kiu tamen estas ankaŭ membro de la Akademio Literatura de Esperanto. De ĉi-lasta, krom c-ano Minnaja, sidas en AdE nur ges-roj Gerrit Berveling kaj Barbara Pietrzak.
La kvara Universala Kongreso en Finnlando estos certe la plej malgranda, kompare kun tiuj en 1922, 1969 kaj 1995. Ĝis hodiaŭ aliĝis nur 666 personoj (hazarde, la nombro de la diabla besto), dum ekzemple UK en Islando atingis 785 aliĝojn je 15 marto 2013, kaj sume registris 1.034 nomojn.
