La marta numero de “Heroldo de Esperanto” (2318) dediĉas al Afriko multe pli da spaco ol kutime, inkluzive de frunta artikolo sur tri kolumnoj el kvin. Memkompreneble, por la ekesto de la unua reala Esperanto-Domo en Afriko, kaj de la stabo ĉirkaŭ ĝi.
HeKo 756 1-C, 4 mar 21
Sen. Anna Bartek, estro de la Blanka grupo, deklaras sin kontenta pro la respondo de la Konsulo (sen. Riichi Karibe) al la interogacio pri malrespekto kontraŭ la esperanto-flago (nome la flago de la Esperanta Civito). Aparte dankema ŝi estas pro la politika seriozeco de tiu respondo.
C-ano Tihomir Lovriĉ, de la Civila Esperanta Servo, estos la unua deĵoranto en la Tanganika Esperanto-Domo (Buĵumburo). Li oficos de la fino de marto ĝis la fino de majo 2021. Li staĝis en Burundio jam en decembro 2017.
Preskaŭ ĉiusemajne telematike kunvenas la teamo preparanta Kulturan Esperanto-Festivalon 2022 en Svislando, laŭ kunvoko de c-ino Manuela Blanco. La programo pli kaj pli konturiĝas en interesa palimpsesto, kie la plej riĉa parto ŝajnas la muzika.
HeKo 755 8-C, 28 dec 20
Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari donacon aŭ legacon. La nuna analizo aperas tri monatojn post la antaŭa, pro la stazo kaŭzita de la pandemio.
En la sama tago, 27a de februaro, sed je distanco de kvardek kvin jaroj, forpasis Kolomano Kalocsay kaj Vilmos Benczik, sinsekvaj ĉefredaktoroj (kvankam oficiale estis Mihaly Gergely dum longa tempo) de la tre bona revuo “Hungara Vivo”, al kiu bedaŭrinde Vikipedio dediĉas nur unulinian artikolon (ĉu artikolon?).
Hodiaŭ vespere la redakcio de “Literatura Foiro” kunsidis telematike en pleno, sub la kunordigo de la ĉefredaktoro, c-ino Perla Martinelli. La renkonto okazis redaktofine de la aprila numero (310), liverota al la presejo komence de marto.
La paktintoj sindoneme helpas Afrikan Esperanto-Instituton kaj la Tanganikan Esperanto-Domon. Plej rimarkindaj estas la “helveta akso”, nome Kultura Centro Esperantista kaj Kooperativo de Literatura Foiro, kiuj donacis kompletajn jarkolektojn de siaj periodaĵoj, kaj ankaŭ de raraĵoj kiel “La Revuo” kaj “La Nica Literatura Revuo”.
Fondumo Pro Esperanto mobilizis la unuan deĵoronton por la Tanganika Esperanto-Domo, sed li ne estas afrikano. La regio trovas ke afrikanoj devas ankoraŭ kreski en kompetento kaj diligento, kaj ĝi sin turnis al Civila Esperanta Servo, kiu disponigis du personojn: elektita estas tiu, kiu jam vizitis Burundion almenaŭ unu fojon.
HeKo 755 3-C, 19 feb 21
Dum sia ĉi-semajna kunsido la Kapitulo konfirmis la intenco kunvoki la Parlamentan sesion al Razgrado (Bulgario), por vendredo 18 junio 2021. La formala kunvoko estas ankoraŭ dissendota, verŝajne nur en aprilo.
HeKo 755 2-C, 18 feb 21
La 10an de decembro 2020 sen. Anna Bartek (Blanka grupo) enketis pri la sinteno de la Kapitulo rilate al la delikto de malrespekto al la esperanta flago. Ŝi menciis la specifan kazon de juna nederlandano, membro de la LKK de la neokazinta IJK 2020, kiu “uzas la flagon kiel subtenilon por siaj malpuraj vestaĵoj”.
HeKo 755 1-C, 17 feb 21
La Kapitulo kunsidis hodiaŭ laŭ sia regula monata ofteco, en pleno sub la prezido de la Konsulo. Mankis nur la Unua Vickonsulo, en hospitalo pro operacio. La kunsido enfokusiĝis pri la rezultoj de la ĵusa misio de sen. Silfer en Afriko, kiujn ĉiu taksis brile sukcesaj.
