Heroldo Komunikas | Heroldo Komunikas

Parlamentaj sesioj en 2019, Afrike kaj Eŭrope

HeKo 687 9-C, 12 aug 18

La Konsulo de la Esperanta Civito kunvokis du parlamentajn sesiojn en 2019. La unua disvolviĝos en Buĵumburo apud la Tanganika Lago (Afriko), tuj post la 5a Afrika Esperantologia Semajno, komence de januaro. La dua disvolviĝos en Salò apud la Garda Lago (Eŭropo), la 24an de majo 2019.

Mikrosistemoj en ekonomia komparo en Esperantio

HeKo 687 8-C, 11 aug 18

En Esperantio ekzistas kvar mikrosistemoj, reference al la kvar plej gravaj organizaj subjektoj: Universala Esperanto-Asocio, Tutmonda Esperantista Junulara Organizo, Sennacieca Asocio Tutmonda kaj la Esperanta Civito. La unuaj tri estas neregistaraj organizoj, dum la Civito funkcias kiel transnacia konsorcio strebanta esti subjekto de internacia juro.

Kreskas la laborfortoj de Kultura Centro Esperantista

HeKo 687 7-C, 11 aug 18

Kongrue al la mesaĝo de la Konsulo okaze de la Tago de la Pakto, ekde ĉi tiu monato la materia kapitalo de la Esperanta Civito ricevas tri pliajn aktivulojn en Ĉaŭdefono.

Seksa molestado dum IJK en Hispanio

HeKo 687 6-A, 10 aug 18

“Mi bedaŭras anonci, ke estis partoprenanto kiu seksĝenis alian partoprenanton. Sed la LKK kaj la TEJO-estraro forbaris la seksĝeninton de la kongresejo laŭ komuna decido de LKK kaj dela viktimo. Se vi mem spertis aŭ spertos ion ĝenan, vi povas kontakti la organizantojn kaj bonvolu fari tion.”

Dudek jarojn post la Pakto

HeKo 687 5-C, 9 aug 18

La 10an de aŭgusto 1998 en Ĉaŭdefono estis subskribita la Pakto por la Esperanta Civito. El tiu akto fontis la konsorcio kiu kondukis al la promulgo de la Konstitucia Ĉarto la 2an de junio 2001. Dudek jarojn poste, en la Civita konsorcio ekzistas tri kapitaloj: spirita, materia kaj ekstera.

TEJO kiel UEA: enspezas tri, elspezas kvar

HeKo 687 4-A, 7 aug 18

Ankaŭ Tutmonda Esperantista Junulara Organizo havas strukturan deﬁciton, same kiel Universala Esperanto-Asocio. Kaj same kiel por UEA, la spezkalkulo prezentas misproporcion de tri kontraŭ kvar: TEJO enspezas tri eŭrojn, sed elspezas kvar (ĉirkaŭ 90.000 kontraŭ ĉirkaŭ 120.000 en 2017, sed simile en 2016).

KCE akuratas pri "Heroldo de Esperanto": jen 8:2018

HeKo 687 3-B, 6 aug 18

Dum internaciaj esperanto-organizoj reduktas siajn servojn kaj samtempe altigas siajn kotizojn, la transnacia Kultura Centro Esperantista duonigis sian kolektivan kotizon en 2013 kaj gardas la individuan kotizon je la tarifo de 1995, kiam la nova reĝimo ekis, sub la tiama prezido de c-ano Giorgio Silfer.

Dekreto Kirova pri nedezirataj personoj

HeKo 687 2-C, 6 aug 18

Per dekreto el Varno, datita 25 junio 2018, la vickonsulo pri internaj aferoj, sen. Miroslava Kirova, (de kiu dependas la Civitana Registro) normigis la aktivecon de la Registro rilate nedeziratajn personojn.

Literatura Foiro 294, akurate aktuale bunte

HeKo 687 1-B, 5 aug 18

Tre akurata kaj aktuala estas la numero 294 (aŭgusto 2018) de “Literatura Foiro”, la plej kompleta kultura revuo en esperanto, marŝanta al sia kvindeka jarkolekto senpaŭze, absoluta rekordo en la historio de la esperanta popolo.

Belartaj Konkurso helpas redukti deficiton

HeKo 686 9-A, 5 aug 18

La juĝkomisionoj de la Belartaj Konkursoj 2018 ŝparigis al UEA ĉirkaŭ mil tricent eŭrojn, ne aljuĝante premiojn en diversaj branĉoj, precipe poezio (neniun entute!), teatro kaj eseo (nur po unu): ondo ne aldonita al la maro de pli ol cent kvardek mil eŭroj buĝetitaj kiel deﬁcito en Roterdamo.

La Konsulo proponas parlamentajn sesiojn por 2018/2019

HeKo 686 8-C, 4 aug 18

La Konsulo konsultas ĉi-semajnﬁne la senatajn grupestrojn (Julio Herrero, por la verda grupo, kaj Anna Bartek, por la blanka) cele al la kunvoko de la parlamentaj sesioj 2018/19.

Granda malvenko de Osmo Buller en Lisbono

HeKo 686 7-A, 3 aug 18

Spite al lia bona argumentado kaj al liaj (veraj aŭ nur supozataj) subtenantoj, la Komitato de Universala Esperanto-Asocio distanciĝis plene de Osmo Buller.
Unue, ĝi aprobis la novan kotizosistemon; due, ĝi elektis plian estraranon por unu sola jaro; trie, ĝi deﬁnitive entombigis la jarlibron el papero.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.