Kreskas en okcidenta Eŭropo la publikaj protestoj kontraŭ la strategio de la diversaj registaroj por limigi la kontaĝon pro la pandemio. Se la plej grandaj restriktoj, kun trudizolo kaj ĝis ĝenerala lokaŭto, estas anoncitaj en Aŭstrio, la plej gravaj manifestacioj okazas en Nederlando.
HeKo 776 7-C, 20 nov 21
La stabo de la Esperanta Civito etendiĝas unuafoje al Azio, per la alveno en Budapeŝto de c-ino Ĥadiĝa Alieva, kiu deĵoras ekde ĉi tiu monato ĉe la Orienta Legacio. Ŝia statuso estas ankoraŭ tiu de staĝanto, kaj ŝi havas du mentorojn, pri la lingva respektive la strategia trejnado.
C-ano Giorgio Silfer prezentis hieraŭ sian verkon “Verda stelo kaj roza triangulo”, antologion el dek du aŭtoroj, okaze de la monata literatura kafejo de la Esperanta PEN en Budapeŝto, kun la organiza helpo de Fajszi Amika Rondo. Interalie ĉeestis la prezidanto de Hungaria Esperanto-Asocio.
HeKo 776 5-C, 17 nov 21
La ekesto de Unuiĝintaj Nacioj havis pozitivan influon al internaciaj neregistaraj organizoj, sed ankaŭ negativajn. Se temas pri la esperanto-movadoj, ili viktimas pro unu ĝenerala misefiko, kaj pro alia specifa suferas UEA.
HeKo 776 4-C, 16 nov 21
Ne estos la Insulo de la Rozoj (1968), sed urbo Rozoj. Aŭdinte la favoran opinion de la estrinoj de la senataj grupoj, la Konsulo komunikas la intencon kunvoki la venontan parlamentan sesion al Katalunio komence de oktobro 2022, okaze de la unua Naturamika Kultursemajno en urbo Roses (Costa Brava).
“En la periodo 2000-2019 UEA havis nur deficitajn rezultojn, ĉiujare, kaj la tuta rento de la kapitalo uziĝis por mildigi tiun deficiton, neniam por teni la valoron de la kapitalo, kiu estas nia garantio por la estonteco”, publike ĵus deklaris la vicprezidanto de la Universala, Fernando Maia el Brazilo, precizigante: “La historia monperdo de UEA en tiu periodo estas ĉirkaŭ tri milio
La plej universala poeto karakterizis la revuon “Literatura Foiro” en 2021, kaj du eseoj pri Danto lingvisto kaj Danto politikisto, fare de Clelia Conterno respektive Carlo Minnaja, inaŭguras la decembran numeron 314, kiu tiun riĉan jarkolekton (ses numeroj po 64 paĝoj, plus eksterordinara suplemento) fermas.
HeKo 776 1-C, 13 nov 21
Ni ne plu admiros en niaj kunvenoj la rabenan barbon kaj la nigre-bluan vertoĉapon de civitano Franco Levi (1944[1969]-2021). Ĵurnalisto, cionisto, esperantisto, li forpasis en Romo pro abrupta pulmito la 5an de novembro, tuj post sia interveno en la nacia kongreso de la Radikala Partio, kies aktivulo li estis de multaj jaroj.
Junaj filologoj kaj veteranaj esperantologoj prelegos dum la 8a Lingva Kolokvo de Kultura Centro Esperantista, Ĉaŭdefono 15-18 aprilo 2022 (alvenoj la 14an), kadre de la tradicia ĉeftemo “Vivanta lingvo de vivanta komunumo”. La kolokvo okazos reale, ne kiel virtuala surogato, ĉe la Esperanto-Domo de Svislando.
HeKo 775 8-C, 11 nov 21
La komisiono pri bibliotekoj starigita de la Kapitulo kunsidis telematike ĉi-semajne. Partoprenis ekspertoj el Malago, Barcelono, Angulemo, Kardifo, Ĉaŭdefono, Budapeŝto: krom unu, ĉiuj havas la esperantan civitanecon. Al ili aldoniĝos aliaj el Italio kaj Bulgario. Ili prezentis sin kaj parolis pri siaj spertoj rilate al bibliotekoj kaj arkivoj, specife la esperantaj.
La lastaj literaturaj kafejoj de 2021 en Budapeŝto gastigos du premierojn. Fajszi Amika Rondo kaj Esperanta PEN-centro bonvenigos la redaktinton de la antologio “Verda stelo kaj roza triangulo” 18 novembro 2021 kaj la tradukintinon de “Finalo de partio” de Samuel Beckett 15 decembro 2021.
La svisa poŝto decidis ke ekde 2022 la poŝtfakoj en la oficejoj ne estos plu senpagaj. La luo kostos dum tuta jaro kiom la manĝoj por dek partoprenantoj en septaga seminario de Afrika Esperanto-Instituto, kaj oni decidis ŝpari tiom da mono fermante la faman leterkeston 311 en Ĉaŭdefono, kiu dum jardekoj servis al ĉiuj establoj en strato Postiers 27.
